ब्रह्मास्त्रच्या प्रमोशनसाठी राजामौली यांना दिले १० कोटी? काय आहे त्यामागचं सत्य, वाचा इथं

मुंबई : रणबीर कपूर आणि आलिया भट्ट यांच्या प्रमुख भूमिका असलेल्या ब्रह्मास्त्र सिनेमा बॉक्स ऑफिसवर दणदणीत कमाई करत आहे. सोशल मीडियावर सिनेमावर बहिष्कार घालण्याची मोहिम सुरू झाल्यानंतरही हा सिनेमा प्रदर्शित झाला आणि यशस्वी ही ठरला. देशाबरोबर परदेशातही हा सिनेमा कमाईचे रेकॉर्ड करत आहे. दक्षिणेकडच्या राज्यांमध्येही हा सिनेमा प्रदर्शित झाला आहे. ब्रह्मास्त्र सिनेमा दक्षिणेत प्रमोशन करण्यामध्ये बाहुबलीचे दिग्दर्शक एसएस राजामौली यांची भूमिका महत्त्वाची आहे.

Poll- TRP लिस्टमध्ये झी मराठीला दिसणार का सुगीचे दिवस?

राजामौलींनी प्रमोशनसाठी घेतले पैसे?

ब्रह्मास्त्र सिनेमाला दक्षिणेकडील राज्यांमध्येही चांगला प्रतिसाद मिळत आहे. परंतु या सिनेमाचं दक्षिणेकडील राज्यांमध्ये प्रमोशन करण्यासाठी राजामौली यांना निर्माता करण जोहर आणि अयान मुखर्जी यांनी १० कोटी रुपये दिल्याची बातमी समोर आली आहे. ही बातमी जेव्हा समोर आली तेव्हा त्यावरूनही खूप चर्चा सुरू झाली. सोशल मीडियावर अनेक नेटकऱ्यांनी त्यांची विविध मतं व्यक्त केली आहेत. दरम्यान या बातमीमध्ये किती तथ्य आहे हे जाणून घेण्याचा प्रयत्न केला तेव्हा त्यातून एक गोष्ट समोर आली.

सिनेविश्वात धमाकेदार एण्ट्रीनंतर हृताने घेतला ब्रेक! एन्जॉय करतेय सेकंड हनीमून

हे आहे सत्य

सूत्रांनी दिलेल्या माहितीनुसार राजामौली आणि करण जोहर यांच्यात चांगलं बाँडिंग आहे. करण जोहरच्या धर्मा प्रॉडक्शननं बाहुबलीच्या हिंदी व्हर्जनचं वितरण केलं होतं. त्यामुळे राजामौली यांनी करणची निर्मिती असलेल्या ब्रह्मास्त्र सिनेमाचं प्रमोशन करत त्याला पाठिंबा देण्याचा निर्णय घेतला. त्यांनी सिनेमाचं जे प्रमोशन केलं ते मैत्रीखातर केलं आहे. त्यामुळे यामध्ये पैशांच्या देवाणघेवाणीचा मुद्दाच येत नाही. करण जोहर आणि राजामौली यांच्यातील नातेसंबंध बिघडवण्यासाठी ही बातमी दिली जात असल्याचा खुलासा धर्मा प्रॉडक्शननं केला आहे. तसंच ही बातमी चुकीची असल्याचंही सांगितलं आहे.