आलिया-रणबीरच्या ‘ब्रह्मास्त्र’ला प्रेक्षकांची पसंती! पहिल्याच दिवशी दणदणीत विक्रम; कमावले इतके कोटी

मुंबई : गेल्या अनेक दिवसांपासून विविध कारणांमुळे चर्चेत असलेला आलिया भट्ट आणि रणबीर कपूर यांच्या प्रमुख भूमिका असलेला ‘ब्रह्मास्त्र’ (Brahmastra Box Office Collection) सिनेमा रिलीज झाला आहे. सिनेमा प्रदर्शित झाल्यानंतर सिनेसमीक्षकांनी त्याला ठीकठाक असल्याचं म्हटलं आहे. सिनेमाबाबत संमिश्र प्रतिक्रिया समोर येत आहेत.

दरम्यान गेल्या काही दिवसांपासून सोशल मीडियावर ब्रह्मास्त्र सिनेमावर बहिष्कार घालण्याची मोहिम सुरू झाली होती. त्यामुळे या सिनेमाचं भवितव्य काय असा प्रश्न उपस्थित होत होता. पहिल्या दिवशी सिनेमाला फारसा प्रतिसाद मिळणार नाही असा अंदाज वर्तवला जात होता. परंतु हा अंदाज बॉक्स ऑफिसवर या सिनेमानं पहिल्या दिवशी जी कमाई केली ती पाहून सपशेल चुकला असल्याचं म्हटलं जात आहे. अनपेक्षितरित्या प्रेक्षकांनी ब्रह्मास्त्रला पसंती दिली आहे.

हे वाचा-ब्रह्मास्त्र पाहताना तुमच्याही नजरेतून सुटली असेल ही गोष्ट, दीपिका आहे रणबीरची आई?

गेल्या काही दिवसांपासून जे जे हिंदी सिनेमे प्रदर्शित झाले ते सपशेल (Boycott Bollywood Trend on Social Media) आपटले. त्यामुळे बॉलिवूडकर चिंतेत होते. या फ्लॉप झालेल्या सिनेमांमध्ये विजय देवरकोंडा याच्या लायगर सिनेमाचाही समावेश आहे. त्यामुळे सर्वांच्या नजरा आता ब्रह्मास्त्र सिनेमाचं काय होतं याकडे लागल्या होत्या. निर्मात्यांना मात्र सिनेमा यशस्वी होईल, अशी आशा होती. हा सिनेमा प्रदर्शनापूर्वीच त्यावर बहिष्कार घालण्याच्या मोहिमेमुळे चर्चेत आला होता. बहिष्काराच्या मोहिमेनंतरही या सिनेमानं पहिल्या दिवशी वर्ल्डवाइड ७५ कोटींचा केला आहे. सुट्टीच्या दिवस नसूनही हिंदी सिनेमानं पहिल्यांदाच इतकी कमाई केली आहे. ही आकडेवारी पहिल्या दिवशीची आहे.

सिनेमाचा निर्मात करण जोहर, दिग्दर्शक अयाम मुखर्जी आणि अभिनेत्री आलिया भट्ट यांच्या इन्स्टा पोस्टनुसार एकाच दिवसांत ब्रह्मास्त्र सिनेमानं बॉक्स ऑफिसवर ७५ कोटी रुपयांची कमाई केली. प्रेक्षकांनी सिनेमाला दिलेल्या भरभरून प्रतिसादाबद्दल त्यानं आभार मानले आहेत.

ब्रह्मास्त्र सिनेमानं केली दणदणीत कमाई

बॉक्स ऑफिस ऑफ इंडिया या संस्थेच्या अहवालानुसार सिनेमाची ही कमाई संपूर्ण देशातील आहे. सुट्टीचा दिवस नसताना अशी कमाई करणारा पहिला सिनेमा होता बाहुबली द कन्क्लजन. ब्रह्मास्त्र सिनेमा हिंदीबरोबरच मल्याळम, कन्नड, तामिळ आणि तेलुगू भाषांमध्ये भारतभर रिलीज झाला आहे. त्यामुळे पहिल्या दिवशीची कमाईत अधिक भर पडण्याची शक्यता आहे. मायथोलॉजिकल सायन्स फिक्शन असलेल्या या सिनेमाचं बजेच ४०० कोटी रुपये इतकं असल्याचं बोललं जातं आहे. पहिल्याच दिवशी या सिनेमानं दणदणीत कमाई केल्यानंतर लवकरच निर्मितीचा खर्च वसूल व्हायल हरकत नाही.

हे वाचा-रणबीरनंतर ‘द कश्मीर फाइल्स’च्या दिग्दर्शकाचं ‘बीफ प्रेम’, Video एकदा पाहाच; विवेक अग्निहोत्री ट्रोल

रणबीर कपूरच्या सिनेमांचा इतिहास

ब्रह्मास्त्र सिनेमा संपूर्ण देशात पाच हजार ठिकाणी तर वर्ल्डवाईड पातळीवर आठ हजार स्क्रिनवर प्रदर्शित झाला आहे. रणबीर कपूरच्या अन्य सिनेमांनी पहिल्या दिवशी किती कमाई केली होती ते पाहू. त्यात ‘संजू’ सिनेमानं ३४.९ कोटी रुपयांचं कलेक्शन केलं होतं. बेशरम सिनेमाने १९.८७ कोटी रुपये, ये जवानी है दीवानी ने १९.४२ कोटी रुपये, ऐ दिल है मुश्‍क‍िल ने १३.०४ कोटी रुपये आणि रॉकस्टार ने ९.९२ कोटी रुपये कमावले होते.