‘ब्रह्मास्त्र’नं रचला इतिहास, बाॅलिवूडचा सर्वात महागडा सिनेमा, बजेटचा आकडा इथे वाचा

मुंबई : सध्या बाॅक्स ऑफिसचं काही खरं नाही. मोठमोठ्या बजेटचे सिनेमे फ्लाॅप होतायत. लाल सिंह चड्ढा, रक्षाबंधन हे अलिकडचे सिनेमे दणकून आपटले. आता पुढच्या आठवड्यात ब्रह्मास्त्र रिलीज होत आहे. या सिनेमाचं बजेटही प्रचंड आहे.

सर्वात महागडा सिनेमा
ब्रह्मास्त्र सिनेमाचं काऊंट डाऊन सुरू झालं आहे. अयान मुखर्जी दिग्दर्शित रणबीर कपूर आणि आलिया भट्टसोबत बिग बी, नागार्जुन आणि मौनी राॅय यांच्या महत्त्वाच्या भूमिका आहेत. जवळ जवळ ८ वर्ष या सिनेमाची चर्चा सुरू होती. आता रिलीजसाठी उरलेत ८ दिवस. सिनेमाचं बजेट आहे ४१० कोटी रुपये. हा या सिनेमाचा पहिला भाग आहे. अजून २ भाग बाकी आहेत.

गणपतीचे असे फोटो शेअर करत प्रकाश राजनी विचारलं, आता तुमच्या भावना दुखत नाहीत का?

पाच भाषांमध्ये रिलीज होणार सिनेमा
हिंदीबरोबर एसएस राजामौली हा सिनेमा तेलुगू, तामिळ, कन्नड आणि मल्याळम भाषांमध्ये सादर करणार आहेत. त्यामुळे सिनेमाला मोठा प्रेक्षक मिळण्याची आशा निर्मात्यांना आहे. सिनेमाचं प्रमोशनही जोरदार सुरू आहे.

नवनवे टीझर येतायत समोर
नुकताच या सिनेमाचा नवा टीझर प्रदर्शित केला. या टीझरमध्ये फक्त अमिताभ बच्चन आहेत. ते हातात प्रकाश घेऊन लढत आहेत. हातात शस्त्र, दमदार अभिनय, चपळता हे सगळं वयाच्या ८० व्या वर्षी पाहून चाहते खूप कौतुक करत आहेत करण जोहरनं हा व्हिडिओ शेअर करत लिहिलं आहे, भेटा गुरू आणि त्यांच्या प्रभास्त्रला ९ दिवसात.

ब्रह्मास्त्र सिनेमात शाहरुख खान खास पाहुण्या कलाकाराची भूमिका करणार असल्याची चर्चा होती. पण सिनेमाच्या टीमने त्याबाबत काहीच उघड केलं नव्हतं. आता एका सीनमध्ये वानरास्त्रच्या रूपातील पात्र आगीच्या गोळ्याशी खेळत असल्याचा व्हिडिओ समोर आला आहे. यातील कलाकार शाहरुखसारखाच दिसत असल्याचं बोललं जातंय.

सलमान खानच्या ‘बिग बाॅस १६’मध्ये नुसरत जहां? खासगी गोष्टींचा होईल उलगडा