पराभव कोच द्रविड यांच्या जिव्हारी लागला; टी-२० वर्ल्डकपसाठी BCCIकडे केली ही मागणी

मुंबई: ऑस्ट्रेलियात १६ ऑक्टोबरपासून टी-२० विश्वचषक २०२२ सुरू होत आहे. या मोठ्या टूर्नामेंटपूर्वी टीम इंडिया ऑस्ट्रेलियाविरुद्ध तीन सामन्यांची टी-२० मालिका खेळत आहे, ज्यामध्ये टीम इंडियाला पहिल्या सामन्यात पराभवाला सामोरे जावे लागले आहे. भारताच्या फलंदाजांनी धावांचा डोंगर तर उभा केला पण क्षेत्ररक्षणाच्या वेळेस केलेल्या चुकांमुळे भारताला हा पराभव पत्करावा लागला. भारतीय संघाच्या गोलंदाजी बाजूने विकेट मिळवले पण अखेरच्या षट्कांमध्ये ऑस्ट्रेलियाच्या फलंदाजांना धावा देऊ केल्या आणि मोठ्या फरकातील असलेल्या सामना ऑस्ट्रेलियाने सहज जिंकला.

यामुळेच टीम इंडियाचे मुख्य प्रशिक्षक राहुल द्रविड यांच्याशी संबंधित एक मोठी बातमी समोर येत आहे. यांनी संघाच्या या कामगिरीवर एक मोठं टोकाचं पाऊल उचलत निर्णय घेतला आहे. या मालिकेच्या मध्यावरच राहुल द्रविड यांनी बीसीसीआयसमोर दोन मोठ्या मागण्या ठेवल्या आहेत.

रोहित शर्माने पकडला कार्तिकचा गळा, LIVE सामन्यात असं घडलं तरी काय?

राहुल द्रविड यांचे टोकाचे पाऊल

रोहित शर्माच्या नेतृत्वाखालील टीम इंडियाची २०२२ च्या टी-२० विश्वचषकाची तयारी तर उत्तम सुरू आहे, पण संघाची खराब कामगिरी पाहता राहुल द्रविडने मोठे पाऊल उचलले आहे. इंडियन एक्स्प्रेसच्या वृत्तानुसार, राहुल द्रविडने बीसीसीआयला टी-२० विश्वचषकापूर्वी अधिक सराव सामने आयोजित करण्यास सांगितले आहे. तेथील परिस्थितीशी जुळवून घेण्यासाठी संघ नियोजित वेळेच्या एक आठवडा आधी ऑस्ट्रेलियाला पोहोचेल.

IND vs AUS-पराभवात मिळाली भारताला आनंदाची बातमी, आता वर्ल्डकपसाठी या

बीसीसीआयचा निर्णय

भारतीय क्रिकेट नियामक मंडळाने (बीसीसीआय) दक्षिण आफ्रिकेविरुद्ध ४ ऑक्टोबरला इंदूरमध्ये होणाऱ्या तिसऱ्या टी-२० सामन्यानंतरच ऑस्ट्रेलियाला पाठवण्याचा निर्णय घेतला आहे. बीसीसीआयच्या एका अधिकाऱ्याने सांगितले की, “आम्ही काही संघांशी चर्चा करत आहोत जे आयसीसीने आयोजित केलेल्या सराव सामन्यांव्यतिरिक्त आमच्यासोबत (भारत) सामने खेळतील.” द्रविड आणि त्याच्या सहकार्‍यांसाह टी-२० विश्वचषकाचा संपूर्ण संघ ५ ऑक्टोबरला ऑस्ट्रेलियाचा दौरा करणार आहे. येथे आफ्रिकेविरुद्ध एकदिवसीय सामना खेळणारा भारतीय संघ व्हीव्हीएस लक्ष्मण यांचा प्रशिक्षित द्वितीय श्रेणीचा संघ असेल. मुख्य प्रशिक्षक राहुल द्रविड यांच्याशी चर्चा करून बीसीसीआयने हा निर्णय घेतला आहे.

टी-२० वर्ल्डकपच्या आधी होणार भारत विरुद्ध पाकिस्तान मॅच; वाचा कधी, कुठे आणि केव्हा

टीम इंडियाच्या सराव सामन्यांचे वेळापत्रक

आयसीसीने जाहीर केलेल्या वेळापत्रकानुसार टीम इंडियाला २ सराव सामने खेळायचे आहेत. १७ आणि १८ ऑक्टोबरला हे दोन सराव सामने होणार आहेत. १७ ऑक्टोबरला टीम इंडिया आणि न्यूझीलंड यांच्यात सामना होणार आहे, तर १८ ऑक्टोबरला टीम इंडियाचा सामना ऑस्ट्रेलियाशी होणार आहे.

T20 विश्वचषक २०२२ मधील भारताचे सामने
पहिला सामना – भारत विरुद्ध पाकिस्तान – २३ ऑक्टोबर (मेलबर्न)
दुसरा सामना – अ गटातील दुसर्‍या क्रमांकाचा संघ – २७ ऑक्टोबर (सिडनी)
तिसरा सामना – भारत विरुद्ध साऊथ आफ्रिका – ३० ऑक्टोबर (पर्थ)
चौथा सामना – भारत विरुद्ध बांग्लादेश – २ नोव्हेंबर (एडलेड)
पाचवा सामना – भारत विरुद्ध ब गटातील विजयी संघ – ६ नोव्हेंबर (मेलबर्न)

T20 विश्वचषकासाठी भारतीय संघ

रोहित शर्मा (कर्णधार), केएल राहुल (उपकर्णधार), विराट कोहली, सूर्यकुमार यादव, दीपक हुडा, आर पंत (यष्टीरक्षक), दिनेश कार्तिक (यष्टीरक्षक), हार्दिक पंड्या, आर अश्विन, वाय चहल, अक्षर पटेल, जसप्रीत बुमराह, बी. कुमार हर्षल पटेल, अर्शदीप सिंग.
स्टँडबाय खेळाडू- मोहम्मद शमी, श्रेयस अय्यर, रवी बिश्नोई, दीपक चहर.