बिग बींचं हे रूप पाहून चाहते झाले थक्क, ‘ब्रह्मास्त्र’चा हा टीझर तुम्हालाही करेल चकित

मुंबई : काऊंटडाऊन सुरू झालंय. बाॅयकाॅटच्या गदारोळात ब्रह्मास्त्र सिनेमा रिलीज होतोय ९ सप्टेंबरला. याआधी रिलीज झालेले मोठे सिनेमे म्हणजे सम्राट पृथ्वीराज, लाल सिंग चड्ढा, रक्षाबंधन बाॅक्स ऑफिसवर फ्लाॅप झाले. तापसी पन्नूचा दोबारा तर सपशेल आपटला. त्यात बाॅयकाॅट ब्रह्मास्त्र ट्रेंडही सुरू झालाय. अशात सिनेमा रिलीज आधी नवा टीझर समोर आलाय.

दिशासोबतच्या ब्रेकअपवर टायगरकडून शिक्कामोर्तब? ही अभिनेत्री आवडत असल्याचं केलं मान्य

या टीझरमध्ये फक्त अमिताभ बच्चन आहेत. ते हातात प्रकाश घेऊन लढत आहेत. हातात शस्त्र, दमदार अभिनय, चपळता हे सगळं वयाच्या ८० व्या वर्षी पाहून चाहते खूप कौतुक करत आहेत करण जोहरनं हा व्हिडिओ शेअर करत लिहिलं आहे, भेटा गुरू आणि त्यांच्या प्रभास्त्रला ९ दिवसात.

आता हा टीझर समोर येण्यामागे एक कारण असू शकतं. सध्या रणबीर कपूर, आलिया भट्ट यांचे जुने व्हिडिओ व्हायरल करत बाॅयकाॅटचं वेड पसरवलं जातंय. तसे अमिताभ बच्चन हे अनेकांचे आवडते अभिनेते. त्यांच्याबद्दल अनेकांना आदरही आहे. केबीसीमुळे तर ते घराघरात पोहोचले आहेत. याचा फायदा सिनेमाला व्हावा म्हणून आता हा टीझर समोर आणलाय, असं सिनेमा तज्ज्ञांचं म्हणणं आहे.

बाप्पाच्या भक्तीत सलमान खान दंग! आरतीचा व्हिडिओ सोशल मीडियावर होतोय Viral

करण जोहरच्या धर्मा प्रॉडक्शनची निर्मिती असलेला ब्रह्मास्त्र हा सिनेमा अयान मुखर्जीने दिग्दर्शित केला आहे. पाच वर्षापूर्वी या सिनेमाच्या शूटिंगला सुरूवात झाली. यासिनेमासाठी भरपूर पैसा लावण्यात आला आहे. आता अनेक अडथळे पार करत ९ सप्टेंबरला ब्रह्मास्त्र हा सिनेमा प्रदर्शित होणार आहे. गेल्या दोन महिन्यांपासून या सिनेमाच्या प्रमोशनची हवा सुरू आहे. मग आता रिलीज होण्याची वेळ आल्यानंतरच सिनेमा बायकॉट होण्याची भीती आहे.