बाॅयकाॅट करणाऱ्यांना ‘ब्रह्मास्त्र’नं दाखवला इंगा, रिलीजआधीच रेकाॅर्डब्रेक कमाई!

मुंबई :रणबीर कपूर आणि आलिया भट्टच्या ब्रह्मास्त्र सिनेमाच्या बातम्या येत आहेत. निर्मात्यांना दिलासा मिळेल अशा बातम्या आहेत. अयान मुखर्जीच्या ब्रह्मास्त्र सिनेमानं रिलीजआधीच रेकाॅर्ड करायला सुरुवात केलीय. सगळीकडे बाॅयकाॅटचे नारे सुरू असताना ब्रह्मास्त्र सिनेमानं रेकाॅर्ड करायला सुरुवात केली. ब्रह्मास्त्र सिनेमा अॅडव्हान्स बुकिंगमध्ये सर्वात जास्त कमाई करणारा हिंदी सिनेमा होऊ शकतो. ३० कोटी रुपयांच्या वर सिनेमा अॅडव्हान्स बुकिंग करू शकतो.

Video- नाटकी उच्चारांमुळे ऐश्वर्या ट्रोल, ‘बोलतेस की कविता वाचते’

अॅडव्हान्स बुकिंगमध्ये ब्रह्मास्त्र सिनेमानं केलं रेकाॅर्ड
रणबीर कपूर आणि आलिया भट्टचा ब्रह्मास्त्र सिनेमाचं बुधवारी रात्रीपर्यंत १८ कोटी रुपयांपर्यंत अॅडव्हान्स बुकिंग झालं आहे. एका दिवसात सर्वात जास्त अॅडव्हान्स बुकिंग करणारा हा सिनेमा ठरला आहे. बाहुबली सिनेमालाही या सिनेमानं मागे टाकलं आहे. तसंच KFG 2 सिनेमाच्या पुढे ब्रह्मास्त्र सिनेमा गेला आहे.

कुठे झालं जास्त अॅडव्हान्स बुकिंग?
जास्त करून अॅडव्हान्स बुकिंग ३डीसाठी झालंय. गुजरात आणि आजूबाजूच्या भागात अॅडव्हान्स बुकिंग कमीच झालं आहे. असं म्हणतायत, सिनेमाच्या अॅडव्हान्स बुकिंगमधूनच २७ ते ३२ कोटी रुपये कमाई होऊ शकते.

रिलीजसाठी निर्मात्यांनी सिनेमाचे प्रोमो प्रदर्शित करायचा सपाटाच लावला होता. ब्रह्मास्त्र सिनेमाच्या नव्या प्रोमोचा व्हिडिओ दिग्दर्शक अयान मुखर्जी याने शेअर केला आहे. यावर एका नेटकऱ्याने लिहिलं आहे की , प्रोमो रिलीज करण्याची उत्सुकता चांगलीच आहे पण प्रोमोमध्ये सगळच दाखवू नका की प्रेक्षक थिएटरमध्ये येणारच नाही. दुसऱ्या एकाने लिहिलं की सिनेमासाठी थोडे तरी सीन्स ठेवा, सगळंच प्रोमोमध्ये दाखवू नका.

रणबीर- आलियासाठी मला वाईट वाटलं, अयानने बोलून दाखवली खंत

अजून एकाने लिहिले की, जर सिनेमा रिलीज होईपर्यंत प्रोमो दाखवण्याची इतकीच हौस असेल तर गाण्यांचे प्रोमो बनवा. ब्रह्मास्त्रच्या सध्याच्या नव्या प्रोमोमध्ये सिनेमाच्या कथेविषयी सगळंच कळलं असल्याने प्रेक्षक नाराज झाले आहेत.