‘ब्रह्मास्त्र’चं बंपर अॅडव्हान्स बुकिंग, ‘भूल भुलैया २’ला मागे टाकत इतकी विकली तिकिटं!

मुंबई : रणबीर कपूर आणि आलिया भट्टचा ब्रह्मास्त्र शुक्रवारी ९ सप्टेंबरला रिलीज होत आहे. सोशल मीडियावर सिनेमा बाॅयकाॅट करा असं सुरू आहे. उज्जैन महाकाल मंदिरात रणबीर-आलियाला प्रवेश नाकारला. असं सगळं असताना अॅडव्हान्स बुकिंगमध्ये या सिनेमानं भूल भुलैया २ सिनेमाला मागे टाकलं आहे. पहिल्या दिवसाची मंगळवार रात्रीपर्यंत १.५० लाख तिकिटं विकली गेली आहेत. असं म्हणतात, दोन दिवसांत हे आकडे आणखी वाढू शकतात.

Cleavage दाखवायची काय गरज होती, अभिनेत्रीच्या बर्थडेचे फोटो पाहून चाहते संतापले

अयान मुखर्जीचं दिग्दर्शन असलेल्या ब्रह्मास्त्र सिनेमाच्या तिकिटांची सर्वात जास्त विक्री मल्टिप्लेक्स चेन पीव्हीआर, आयनाॅक्स आणि सिनेपॅलेस इथे झाली आहे. पहिल्या दिवसाची तिकिटं मंगळवारपर्यंत १.५० लाख विकली गेली आहेत. रिलीज आधी सिनेमानं ४.५० कोटी रुपयांची कमाई केली आहे. या थिएटर्सशिवाय इतर ठिकाणाहूनही आकडे आले आहेत. त्यानुसार सिनेमानं जवळ जवळ ६ कोटी रुपयांची कमाई केली आहे. करोनानंतर हिंदी सिनेमाला मिळालेल्या अॅडव्हान्स बुकिंगमध्ये हे सर्वात जास्त आहे. बाॅलिवूड आणि साऊथ सिनेमे पडतायत, तिथे हे आकडे नक्कीच आशादायी आहेत.

‘ब्रह्मास्त्र’ला मिळू शकतं ‘सूर्यवंशी’पेक्षा जास्त ओपनिंग
असं म्हटलं जातंय की रणबीर-आलियाच्या ब्रह्मास्त्रला सूर्यवंशी सिनेमापेक्षा जास्त ओपनिंग मिळू शकते. अक्षय कुमारच्या सूर्यवंशी सिनेमाला मोठं ओपनिंग मिळालं होतं. रोहित शेट्टीचं दिग्दर्शन असलेल्या या सिनेमानं पहिल्या दिवशी २६.११ कोटी रुपयांची कमाई केली होती. करोनाच्या आधी सर्वात जास्त अॅडव्हान्स बुकिंग सलमान खानच्या टायगर जिंदा है ( २.७६ लाख तिकिटं ) आणि रणबीर कपूरचा संजू ( २.९५ लाख तिकिटं ) या सिनेमांचं झालं होतं.

ओपनिंग डेला २५ ते २७ कोटी रुपये कमवू शकतो ब्रह्मास्त्र
ब्रह्मास्त्र सिनेमाच्या पहिल्या दिवसाच्या कमाईबद्दल बोलायचं झालं, तर शुक्रवारपर्यंत अॅडव्हान्स बुकिंगमुळे ८ ते ९ कोटी रुपयांची कमाई होऊ शकते. असं म्हणतात ओपनिंग डेला ब्रह्मास्त्र २५ ते २७ कोटी रुपये कमाई करू शकतो. तर वीकेण्डपर्यंत ३० कोटींच्या पुढेही जाऊ शकतो, असा तज्ज्ञांचा अंदाज आहे.

लायगरच्या अपयशाचा विजय देवरकोंडाला बसला मोठा फटका