अर्शदीप सिंगला शिव्या देणाऱ्या पाकिस्तानी चाहत्याला शिकवला चांगला धडा, पाहा व्हिडिओ…

दुबई : पाकिस्तानचा चाहता अर्शदीप सिंगवर काढत होता, त्याला अपशब्द वापरत होता. भारताचा संघ जेव्हा श्रीलंकेचा सामना संपवून आपल्या बसमध्ये बसण्यासाठी जात होती तेव्हा हा प्रकार घडला. पण अर्शदीप सिंगला शिव्या देणाऱ्या चाहत्याचं पुढे काय झालं, हे या खास व्हिडिओमध्ये पाहायला मिळू शकतं.
अर्शदीप सिंग हा भारताच्या बसच्या दिशेने जात होता. तेव्हा बसच्या समोर एक चाहा उभा होता आणि तो अर्शदीपला शिव्या देत होता. हा सर्व प्रकार सुरु असताना नवभारत टाइम्सचे पत्रकार तिथे पोहोचले आणि ते हा सर्व प्रकार पाहत होते. या पत्रकारांनी यावेळी या चाहत्याला चांगलेच सुनावले. ते म्हणाले तुला माहित आहे का तू कोणाला शिव्या देत आहेस? तो भारताचा खेळाडू आहे आणि तुम्ही एखाद्या खेळाडूशी असे कसे वागू शकता? हे पाहून शिवीगाळ करणाऱ्याला धक्का बसला आणि लगेच त्याचे शब्द बदलले. तो अर्शदीपलाही आपला खेळाडू सांगू लागला आणि डोळे चोरू लागला. पण त्याच्या हावभावावरून असे वाटले नाही की त्याने चूक केली आहे किंवा तो काही दोषी आहे. स्वस्त लोकप्रियतेसाठी त्यांनी हे मुद्दाम केलेलं दिसत होतं.

वाचा-श्रीलंकेचा सामना सुरु असतानाच भारताला मोठा धक्का, लकी खेळाडू आशिया कपमधून बाहेर

भारताला अजूनही आले का विजयाची संधी, जाणून घ्या…
भारताला अजूनही फायनलमध्ये पोहोचायची धुसर संधी आहे. अफगाणिस्तान आणि पाकिस्तान यांच्यातील सामना आता बुधवारी होणार आहे. या सामन्यात अफगाणिस्तानने जर पाकिस्तानला पराभूत केले तर भारताला फायनलमध्ये पोहोचण्याचा दरवाजा किलकिला होऊ शकतो. कारण पाकिस्तानचा हा सुपर-४मधील पहिला पराभव असेल. त्यानंतर भारत आणि अफगाणिस्तान यांचा सामना ८ सप्टेंबरला होणार आहे.

वाचा- दोन पराभवानंतरही भारतीय संघ अजूनही फायनलमध्ये पोहोचू शकतो, जाणून घ्या समीकरण…

या सामन्यात काहीही करून भारताला विजय मिळवावा लागेल. पण या विजयानंतरही भारतीय संघ फायनलमध्ये पोहोचू शकणार नाही. कारण त्यानंतर पाकिस्तान आणि श्रीलंका यांच्यामध्ये सामना होणार आहे. या सामन्यात जर श्रीलंकेने पाकिस्तानला पराभूत केले, तर भारताला अंतिम फेरीत पोहोचण्याची संधी असू शकेल. त्यामुळे आता या सर्व गोष्टींवर चाहत्यांचे लक्ष नक्कीच असेल.