टी20 वर्ल्ड कप सराव सामन्यांचं वेळापत्रक जाहीर, भारताचा कधी आणि कुणाशी सामना?

मुंबई, 8 सप्टेंबर: टीम इंडियाचं आशिया चषकाचं आव्हान संपुष्टात आलं. पण भारतासमोरचं पुढचं आव्हान असेल ते ऑस्ट्रेलियात होणारा टी20 वर्ल्ड कप. गेल्या वर्षी भारतीय संघाला विश्वचषकाच्या साखळी फेरीतूनच बाहेर पडावं लागलं होतं. त्यामुळे आगामी विश्वचषकात ती कामगिरी सुधारण्यासाठी आणि दुसऱ्यांदा विश्वचषक उंचावण्यासाठी टीम इंडिया ऑस्ट्रेलियात दाखल होईल. स्पर्धेची मुख्य फेरी आणि त्याचं वेळापत्रक आयसीसीनं आधीच जाहीर केलं आहे. पण आज त्याआधी होणाऱ्या वॉर्म अप सामन्यांच्या तारखा जाहीर केल्या आहे. स्पर्धेआधी भारतीय संघ दोन सराव सामने खेळणार आहे.

विश्वचषकाआधी ऑस्ट्रेलिया, न्यूझीलंडशी सामना

ट्वेन्टी ट्वेन्टी विश्वचषकात भारताचा ग्रुप-2 मध्ये समावेश आहे. त्या गटात भारतासह पाकिस्तान, दक्षिण आफ्रिका आणि बांगलादेशचा समावेश आहे. पण मुख्य स्पर्धेआधी होणाऱ्या सराव सामन्यात भारतासमोर ऑस्ट्रेलिया आणि न्यूझीलंड या संघांचं आव्हान असेल.

पहिला सराव सामना – भारत वि. ऑस्ट्रेलिया, 17 ऑक्टोबर. दु. 2 वा.

दुसरा सराव सामना – भारत वि. न्यूझीलंड – 19 ऑक्टोबर, दु. 2 वा.

दरम्यान 16 ऑक्टोबरपासून पात्रता फेरी तर 22 ऑक्टोबरपासून मुख्य फेरीचे सामने सुरु होतील.

हेही वाचा – Diamond League Final: इतिहास घडवण्यासाठी नीरज चोप्रा पुन्हा सज्ज, पाहा कसा आहे डायमंड लीगच्या मेगा फायनलचा कार्यक्रम?

विश्वचषकात भारताची सलामी पाकिस्तानशी

यंदाच्या टी20 विश्वचषकात भारताचा सलामीचा सामना पारंपरिक प्रतिस्पर्धी पाकिस्तानशी होणार आहे. 23 ऑक्टोबरला मेलबर्न क्रिकेट ग्राऊंडवर दुपारी 1.30 वा. हा सामना सुरु होईल. गेल्या विश्वचषकात पाकिस्ताननं टीम इंडियाला विश्वचषकाच्या इतिहासात पहिल्यांदाच मात दिली होती. त्यामुळे यंदाही या दोन संघातला महामुकाबला आणखी चुरशीचा होईल अशी अपेक्षा आहे.

Published by:Siddhesh Kanase

First published: September 08, 2022, 18:04 IST