रवी शास्त्रींनी दुबईचं मैदान बनवलं बॉक्सिंग रिंग, त्यानंतर केली मोठी चूक

दुबई, 04 सप्टेंबर: टीम इंडियाचे माजी कसोटीवीर आणि माजी मुख्य प्रशिक्षक रवी शास्त्री पुन्हा एकदा क्रिकेट कॉमेंट्री करण्यासाठी मैदानावर परतले आहेत. आशिया चषकातल्या भारत-पाकिस्तान सामन्याच्या टॉसवेळी रवी शास्त्रींचा आवाज पुन्हा एकदा क्रिकेटच्या मैदानात घुमला. पण त्यावेळी शास्त्रींनी अशी काही सुरुवात केली की बाजूला असलेल्या रोहित शर्माला देखील हसू आवरलं नाही. पण त्यानंतर शास्त्रींनी टॉसवेळी एक चूकही केली. शास्त्रींचा हा अनोखा अंदाज, त्यांची बोलण्याची भन्नाट शैली आणि त्यानंतर त्यांच्याकडून झालेली चूक यावर सोशल मीडियात मात्र अनेक पोस्ट पडल्या.

क्रिकेटचं मैदान… नव्हे बॉक्सिंग रिंग

भारत-पाक महामुकाबल्याच्या टॉसवेळी शास्त्रींनी दोन्ही संघांच्या कर्णधारांची काहीशी अनोख्या पद्धतीनं ओळख करुन दिली. ‘ब्ल्यू कॉर्नरला रोहित शर्मा… ग्रीन कॉर्नरला बाबर आझम, पाकिस्तान’ हे ऐकल्यावर कुणालाही वाटेल ही बॉक्सिंग रिंगमधली अनाऊन्समेंट आहे. पण ही बॉक्सिंग रिंगमधली अनाऊन्समेंट नव्हती. तर ही आशिया चषकाच्या टॉसची वेळ होती. रवी शास्त्रींनी अशा अनोख्या अंदाजात आणि एका वेगळ्याच एनर्जीनं सामन्याची सुरुवात केली.

रोहितला आवरलं नाही हसू

रवी शास्त्रींनी अशा वेगळ्याच जोशात सुरुवात करताच रोहित आणि बाबरनं एकमेकांकडे पाहिलं. आणि त्यानंतर दोघांच्या चेहऱ्यावर वेगळीच स्माईल दिसली. सोशल मीडियात रवी शास्त्रींचा हा व्हिडीओ आणि टॉसनंतरच्या पोस्ट चांगल्याच व्हायरल होत आहेत.

#IndiaVsPak #RaviShastri #Toss called wrong by Shastri. A bit high already? pic.twitter.com/pIIxYwxLCM

— Srihari (@haagesummane_) September 4, 2022

पण टॉसवेळी शास्त्री चुकले

दरम्यान रवी शास्त्रींनी नाणेफेकीवेळी बाबर आझमनं  टेल असा कॉल दिल्यानंतरही माईकवरुन चुकीचा कॉल दिला. बाबर टेल म्हटलं पण शास्त्रींची हेड्स अशी अनाऊन्समेंट केली. त्यामुळे थोड्या क्षणासाठी मॅच रेफ्री अँडी पायक्रॉफ्टही गडबडले. पण त्यांनी नंतर बाबरनं टॉस जिंकल्याचं घोषित केलं. यावरुन शास्त्री बरेच ट्रोल झाले आहेत

Published by:Siddhesh Kanase

First published: September 04, 2022, 20:12 IST