केएल राहुलची होणार उचलबांगडी; टीम इंडियाला मिळणार नवा उपकर्णधार

नवी दिल्ली: भारतीय क्रिकेट संघ युएईमध्ये आशिया कप टी-२० स्पर्धा खेळत आहे. स्पर्धेत भारताने पहिल्याच लढतीत कट्टर प्रतिस्पर्धी पाकिस्तानचा पराभव केला. भारताने ही लढत ५ विकेटनी जिंकली. माजी कर्णधार विराट कोहलीने ३५ धावा केल्या. पण सलामीवीर कर्णधार रोहित शर्मा आणि उपकर्णधार केएल राहुल फ्लॉप ठरले.

पाकिस्तानविरुद्धच्या सामन्यात राहुल शून्यावर बाद झाला. नसीम शामच्या स्विंग चेंडूवर तो बोल्ड झाला. राहुलची या वर्षातील ही पहिली आंतरराष्ट्रीय टी-२० मॅच होती. त्यानंतर हाँगकाँगविरुद्ध झालेल्या सामन्यात राहुलने ३९ चेंडूत ३६ धावा केल्या. त्याच्या संध खेळीवरून सर्वांनी जोरदार टीका देखील केली.

वाचा-रोहित शर्माबद्दल असं बोलण्याची पाकिस्तानची हिम्मत कशी झाली; पाहा काय बरळला हफीज

राहुलने अनेकदा संघाचे नेतृत्व देखील केले आहे. दुखापतीमुळे तो अनेकदा संघाबाहेर झाला. राहुलने भारतासाठी फार प्रभावी कामगिरी केली नाही, मात्र आयपीएलमध्ये त्याने लखनौ सुपरजायंट्स संघाकडून धमाकेदार फलंदाजी केली होती. त्यामुळेच रोहित शर्मानंतर भारताचा कर्णधार म्हणून राहुलचे नाव सर्वात आघाडीवर होते.

वाचा- कोण आहे वाजमा अयूबी? इतकी सुंदर दिसते की मॅच सोडून सर्वजण तिलाच पाहत होते

आयपीएलमध्ये राहुलने ज्या पद्धतीने कमाल केली होती. त्यामुळेच त्याला उपकर्णधार पद देण्यात आले होते. अन्य खेळाडूंच्या तुलनेत राहुलने स्वत:ची दावेदारी दाखल केली होती. या वर्षी ऑस्ट्रेलियात टी-२० वर्ल्डकप होणार आहे जर राहुलने चांगली कामगिरी केली नाही तर त्याला उपकर्णधारपद गमवावे लागू शकते.

राहुलच्या जागी या खेळाडूंचा विचार

हार्दिक पंड्या- दुखापतीनंतर कमबॅक करणाऱ्या हार्दिक पंड्याने धमाकेदार कामगिरी केली आहे. आयपीएलमध्ये गुजरात संघाला पहिल्याच हंगामात विजेतेपद मिळवून देणाऱ्या हार्दिकने त्यानंतर भारतीय संघाकडून फक्त फलंदाजी नाही तर गोलंदाजीत कमाल करून दाखवली. या वर्षी हार्दिकने भारताकडून आतापर्यंत १४ टी-२० सामने खेळले आहेत. यात त्याने ३४.८८च्या सरासरीने ३१४ धावा केल्या आहेत, त्याच बरोबर ११ विकेट देखील घेतल्या आहेत. हार्दिकची कामगिरी पाहता भारतीय संघात केएल राहुलच्या जागी उपकर्णधार म्हणून त्याचा विचार केला जाऊ शकतो.

वाचा-टी-२० वर्ल्डकप: संघ निवडीसाठी फक्त १५ दिवस शिल्लक, असा आहे भारताचा संभाव्य संघ

रविंद्र जडेजा- हार्दिक शिवाय भारतासाठी तिनही फॉर्मेटमध्ये शानदार कामगिरी करणारा फिरकीपटू आणि ऑलराउंडर रविंद्र जडेजा देखील रोहित शर्माचा सहकारी म्हणून एक चांगला पर्याय आहे. जडेजा गेल्या एका वर्षापासून भारतीय संघासाठी गोलंदाजी आणि फलंदाजीत कमाल करून दाखवतोय. जडेजाबाबत भारतीय संघ व्यवस्थापनाने अनेक प्रयोग केले आणि त्याने देखील कधी निराश केले नाही. आंतरराष्ट्रीय क्रिकेट मधील त्याची कामगिरी पाहता उपकर्णधार म्हणून राहुलच्या जागी जडेजाचा विचार होऊ शकतो. जडेजाने या वर्षी ९ टी-२० मॅच खेळल्या आहेत. त्यात ५०.२५च्या सरासरीने २०१ धावा केल्या आहेत आणि ५ विकेट देखील मिळवल्या आहेत.