हत्येच्या आरोपाखाली तुरुंगात असलेल्या विद्यार्थ्याने क्रॅक केली IIT प्रवेश परीक्षा; ५४ वा रँक!

Success Story: एखादी गोष्ट करण्याची क्षमता आणि जिद्द असेल तर माणसाला कोणत्याही विचित्र परिस्थितीत यश मिळू शकते. यासाठी कठोर परिश्रम, संयम आणि मनावर नियंत्रण या गोष्टींची गरज असते. बिहारच्या सूरज कुमारने (Suraj Kumar) आयआयटी जॅममध्ये (IIT JAM Result) ५४ वा क्रमांक मिळवून ही म्हण खरी ठरविली आहे. अनेक मुलांनी अशी कामगिरी केली असेल मग सूरजच्या कथेत विशेष काय आहे? असा प्रश्न तुम्हाला साहजिकच पडला असेल. त्यामुळे सुरजची पार्श्वभूमी जाणून घेऊया. सूरज गेल्या एक वर्षापासून अंडर ट्रायल कैदी म्हणून तुरुंगात आहे आणि तुरुंगात असतानाच सूरजला हे यश मिळाले आहे. तुरुंगातील विचित्र आणि गोंधळलेल्या परिस्थितीतच सूरजने यश मिळवले आहे.

काय आहे संपूर्ण प्रकरण?
सूरज हा बिहारमधील मोस्मा गावचा रहिवासी असून तो सध्या नवादा तुरुंगात बंद आहे. १७ एप्रिल २०२१ पासून तो तुरुंगात आहे. मार्च २०२१ मध्ये मोस्मा गावात नाल्याच्या वादातून दोन गटांमध्ये झालेल्या भांडणात संजय यादवचा (Sanjay Yadav Murdered) मृत्यू झाला. मृत व्यक्तीच्या वडिलांनी नोंदवलेल्या जबाबाच्या आधारे, सूरजसह ११ लोकांवर गुन्हा दाखल करण्यात आला. याप्रकरणी अटक करण्यात आलेल्या चार आरोपींमध्ये सूरजचाही समावेश असून त्यामुळेच सूरजला तुरुंगातच शिक्षण घ्यावे लागले.

जेल, JAM आणि यश!
२३ वर्षीय सूरजने कोटा येथून इंजिनीअरिंग परीक्षेची तयारी केली होती आणि आयआयटी रुरकीद्वारे १३ फेब्रुवारी रोजी देशभरातील विविध परीक्षा केंद्रांवर घेतलेल्या मास्टर्ससाठीच्या संयुक्त प्रवेश परीक्षेत (IIT JAM 2022) १०० पैकी ५०.३३ गुण मिळवले होते. त्याला ५४ वा रॅंक मिळाला. त्याचा निकाल १७ मार्चला जाहीर झाला असला तरी बुधवारी ही बाब समोर आली.

पहिली ते नववी, अकरावीच्या शाळा एप्रिलपर्यंत पूर्णवेळ सुरू राहणार
मुंबईतील स्मॉल कॉज कोर्टात ७ वी पास असणाऱ्यांना नोकरीची संधी
कारागृहातील अधिकाऱ्यांच्या मदतीने केला अभ्यास
नवाडा येथील एसडी उमेश कुमार भारती यांनी दिलेल्या माहितीनुसार, नवाडा तुरुंगात ६१४ कैद्यांना ठेवण्याची जागा आहे. मात्र तेथे १०७१ कैदी आहेत. एवढ्या गोंगाटाच्या आणि गोंधळलेल्या ठिकाणी अभ्यास करणं अशक्य आहे. पण मानसिक दडपण हाताळण्याची सूरजची वृत्ती दिसून आली. सूरजला आणखी अभ्यास करायचा आहे. तुरुंगात असतानाही सूरजने अभ्यास सोडला नाही आणि तुरुंग अधिकाऱ्यांच्या मदतीने गणित आणि इतर विषयांची तयारी केली. तयारी पूर्ण करून परीक्षा देण्याचा निर्णय घेतला आणि परीक्षेचा निकाल सर्वांसमोर असल्याचे उमेश भारती म्हणाले.

NEET 2022: ‘अशी’ करा नीट २०२२ परीक्षेची तयारी
जिथे इच्छा असते तिथे मार्ग असतो. दुर्दैवी परिस्थिती एखाद्या व्यक्तीला काही काळासाठी कमकुवत करू शकते परंतु त्याचे मनोबल तोडू शकत नाही. IIT JAM परीक्षा ही साधी किंवा सोपी परीक्षा नाही. मास्टर ऑफ सायन्स आणि इतर पोस्ट ग्रॅज्युएशन सायन्स प्रोग्राम्सच्या प्रवेशासाठी ही एक कॉमन एन्ट्रन्स टेस्ट आहे.

RailTel Recruitment: रेलटेल कॉर्पोरेशनमध्ये विविध पदांची भरती
NHM Recruitment: राष्ट्रीय आरोग्य अभियानाअंतर्गत भरती, २८ हजारपर्यंत मिळेल पगार