ब्रह्मास्त्र रिलीज झाल्यानंतरही आलिया भट्टला आहे कसलं टेन्शन? अभिनेत्रीनं शेअर केली पोस्ट

मुंबई: आलिया भट्ट (Ali Bhatt) आणि रणबीर कपूर (Ranbir Kapoor) यांच्या प्रमुख भूमिका असलेला ब्रह्मास्त्र (Brahmastra) सिनेमा प्रदर्शित झाला आहे. पहिल्याच दिवशी सिनेमाला प्रेक्षकांनी चांगला प्रतिसाद दिला आहे. त्यामुळे या सिनेमानं बॉक्स ऑफिसवर ७५ कोटी रुपयांची घसघशीत कमाई केली आहे. त्यामुळे सिनेमाच्या संपूर्ण टीमला आनंद झाला आहे.

ब्रह्मास्त्र सिनेमाच्या टीममधील प्रत्येकानं सोशल मीडियावरून प्रेक्षकांचे आभार मानणारी पोस्ट शेअर केली आहे. सिनेमाचा निर्माता करण जोहर (Karan Johar) याच्या पाठोपाठ आलिया भट्ट हिनं देखील प्रेक्षकांचे आभार मानणारी पोस्ट शेअर केली आहे. ही पोस्ट शेअर करताना तिनं आनंद तर व्यक्त केला आहेच. शिवाय तिने सिनेमाकडून अपेक्षा असल्याचेही म्हटले आहे. आलियाने तिच्या पोस्टमध्ये ब्रह्मास्त्रचा दिग्दर्शक अयान मुखर्जीच्या पोस्टचा स्क्रिनशॉट शेअर केला आहे. ज्यानुसार सिनेमाची टीम येणाऱ्या दिवसांकडे लक्ष ठेवून असल्याचे त्यांनी म्हटले आहे. यामध्ये क्रॉस फिंगर्सची इमोजी पोस्ट करत त्यांनी काळजीही व्यक्त केली आहे.

हे वाचा-ब्रह्मास्त्रवर विवेक अग्निहोत्रींचं टीकास्त्र! म्हणाले-बॉलिवूडमध्ये सर्वकाही बनावट

पहिल्याच दिवशी सिनेमानं कमावले ७५ कोटी रुपये

ब्रह्मास्त्र सिनेमा प्रदर्शित झाल्यानंतर पहिल्याच दिवशी सिनेमानं बॉक्स ऑफिसवर ७५ कोटी रुपयांची घसघशीत कमाई केली आहे. सुट्टीचा दिवस नसूनही इतकी कमाई होणं ही गोष्ट नक्कीच महत्त्वाची आहे. सध्या बॉलिवूडमध्ये आतापर्यंत जे जे सिनेमे प्रदर्शित झाले आहेत ते अपयशी ठरले आहेत. त्यामुळे ब्रह्मास्त्र सिनेमाला कसा प्रतिसाद मिळतो याकडे सर्वांचे लक्ष लागले होते. त्यातच गेल्या काही दिवसांपासून ट्विटरवर बॉयकॉट ब्रह्मास्त्र हा ट्रेंड सुरू झाला होता. त्यामुळे सिनेमाच्या यशाबाबत प्रश्नचिन्ह उपस्थित होत होते.

मात्र या सर्वावर मात करत पहिल्याच दिवशी सिनेमानं दणदणीत कमाई केली आहे. त्यानंतर आलिया भट्टनं इन्स्टाग्रामवर एक पोस्ट शेअर केली आहे. त्यात तिनं लिहिलं आहे की, ‘सर्वांनी ब्रह्मास्त्र सिनेमा सिनेमागृहात जाऊन पाहिल्याबद्दल खूप आभार. आगामी काही दिवसांकडूनही अशीच अपेक्षा आहे.’

हे वाचा-‘सुशांतसिंह राजपूतचे ब्रह्मास्त्र बॉलिवूडचा करेल विनाश…’, SSR च्या बहिणीचा संताप

ब्रह्मास्त्रचं बजेच ४०० कोटी रुपये

ब्रह्मास्त्र सिनेमानं पहिल्याच दिवशी बॉक्स ऑफिसवर चांगली कमाई केली आहे. विकेंडला हा आकडे वाढण्याची अपेक्षा व्यक्त होत आहे. त्यामुळे आगामी दिवसांमध्ये ब्रह्मास्त्रमुळे हिंदी सिनेविश्वावर आलेली मरगळ दूर होईल असं वाटतं आहे. ब्रह्मास्त्र सिनेमाच्या निर्मितीसाठी अयान मुखर्जी याला सात वर्षे लागली. इतकंच नाही तर या सिनेमासाठी ४०० कोटी रुपये खर्च झाले आहेत.