सोनाली कुलकर्णीनं साजरा केला दुसऱ्या कन्येचा वाढदिवस, शेअर केले समारंभाचे Photo

मुंबई : अभिनेत्री सोनाली कुलकर्णी आपल्या कामात जितकी बिझी असते, तितकाच वेळ ती तिच्या घरच्यांसाठी ठेवत असते. कुटुंबालाही वेळ देता येईल, याकडे तिचा कटाक्ष असतो. आताही सोनालीनं एक पोस्ट शेअर केलीय. घरातल्या एका महत्त्वाच्या सदस्याचा वाढदिवस साजरा झाला. त्याचे फोटो तिनं शेअर केलेत.

राणी यांच्याकडील कोहिनूर भारतात येणार का? रवीनाने शेअर Video

या पोस्टमध्ये सोनाली लिहिते, ‘आमची स्पार्कल ३ वर्षाची झाली. एक चिमुकलं अशक्त चार दिवसाचं पिल्लू रूमानानी एका भंगार गाडीच्या बॅानेटमधून वाचवलं होतं. आम्हाला श्रुतीनी ताबडतोब सांगितलं आणि कावेरी ह्या पिल्लासाठी कासावीसच झाली ! फोटो बघूनच कावेरीनी तिचं नाव ठरवलं आणि स्पार्कलचं आमच्या कुटुंबात आगमन झालं. गेल्या आठवड्यात तिसऱ्या वाढदिवसाला अनेक ‘पाळीव’ कुटुंबीय आले होते. नशिबाने माझं ठरलेल्या वेळी पॅकअप झालं. माझी शेजारी – पूजा मिश्राने अगदी आम्हाला हवा तसा केक बनवून दिला.’

पुढे अभिनेत्री लिहिते, ‘आधी गणपतीबाप्पांची आरती झाली. तेव्हा स्पार्कल आली होती पण केक कापायच्या वेळी मात्र तिने तिची जागा सोडलीच नाही. मग ताईनी एवढासा घास घातला नंतर ! फार मज्जा आली आम्हाला. आमच्या ह्या द्वितीय कन्येला वाढताना बघणं हा आमच्या आनंदाचा अविभाज्य घटक होऊन बसला आहे. लव्ह यु स्पार्कल.’

बिग बॉस मराठी ४ मध्ये सहभागी होणाऱ्या स्पर्धकांना दिलासा

गणेशोत्सवात सोनालीनं लालबागच्या राजाला भेट दिली होती. सोनालीनं आपल्या सोशल मीडियावर तशी पोस्ट शेअर केली. तिथले गणपतीबरोबरचे फोटो शेअर करत तिनं लिहिलं, ‘संध्याकाळी ५ वाजता काळवंडून गेलेलं आकाश, सोसाट्याचा वारा आणि तडाखे देणारा मुसळधार पाऊस, शिस्तप्रिय गर्दी, गोंधळून गेलेलं मन आणि अचानक समोर ही भव्य आश्वासक मूर्ती दिसली. मी हा अनुभव कधीच विसरू शकणार नाही.’ तिथे स्वाती आणि तुषार देवल, स्वाती पानसरे, स्नेहल शिदम हे कलाकारही आले होते. त्यांना भेटूनही मस्त वाटल्याचं सोनालीनं लिहिलं आहे.