पीएफमधील ठेवींवरील व्याज कधी थांबते? कोणत्या परिस्थितीत ‘हे’ घडते? – Lets Talk

पीएफमधील ठेवींवरील व्याज कधी थांबते? कोणत्या परिस्थितीत ‘हे’ घडते?

 

संघटित क्षेत्रातील नोकरदारांसाठी भविष्य निर्वाह निधी अनिवार्य आहे. येथून तुम्हाला निवृत्तीनंतर एकरकमी रक्कम मिळते. पण तुम्हाला माहिती आहे का की तुम्ही पीएफ खात्यात रक्कम टाकणे बंद केले तरी तुम्हाला त्यावर ठराविक काळासाठीच व्याज मिळेल. आज आम्ही तुम्हाला पीएफवर किती काळ व्याज मिळते आणि कोणत्या परिस्थितीत ते बंद होते? ते सांगणार आहोत. वयाची 58 वर्षे पूर्ण झाल्यावर तुमचे खाते निष्क्रिय होते. येथे आम्ही तुम्हाला त्यापूर्वीची परिस्थिती सांगणार आहोत.

 

तुम्ही सेवानिवृत्तीपूर्वी नोकरी सोडल्यास, तुमचे खाते जास्तीत जास्त 36 महिने (3 वर्षे) सक्रिय असेल आणि तुम्हाला कोणत्याही योगदानाशिवाय व्याज मिळत राहील. समजा तुम्ही वयाच्या 52 व्या वर्षी नोकरी सोडली असेल तर तुम्हाला पुढील 36 महिने पीएफ रकमेवर व्याज मिळत राहील. त्यानंतर खाते निष्क्रिय होईल.

 

जरी पीएफ सदस्य परदेशात कायमचा स्थायिक झाला तरी तुमचे खाते निष्क्रिय होईल आणि तुम्हाला व्याज मिळणार नाही.

 

ईपीएफ खातेधारकाचा मृत्यू झाला तरी पीएफ खाते निष्क्रिय होते आणि त्यावरील व्याज थांबते.

 

जर ती व्यक्ती वयाच्या 55 ​​व्या वर्षी निवृत्त झाली आणि पुढील 3 वर्षे पीएफ खात्यातून पैसे काढले नाही तर पीएफ खाते निष्क्रिय होते.

 

तुम्ही नोकरीत असाल तोपर्यंत पीएफ खात्यावर मिळणाऱ्या व्याजावर कोणताही कर आकारला जात नाही. मात्र, नोकरी सोडल्यानंतर किंवा निवृत्त झाल्यानंतर मिळणाऱ्या व्याजावर कर आकारणी सुरू होते.