गोंधळून गेलेलं मन आणि समोर आश्वासक मूर्ती, सोनाली कुलकर्णी लालबागच्या राजाच्या दर्शनाला

मुंबई : बऱ्याच जणांच्या घरी आलेल्या बाप्पांचं विसर्जन झालं. अनेक कलाकार आता सार्वजनिक गणपतीच्या दर्शनाला जातात. अनेक मंडळं कलाकारांना आमंत्रणही धाडतात. लालबागच्या राजाच्या दर्शनाला अनेक अभिनेते, अभिनेत्री जातातच. या वेळी अभिनेत्री सोनाली कुलकर्णीनं राजाच्या दरबारात हजेरी लावली.

बाॅयकाॅट करणाऱ्यांना ‘ब्रह्मास्त्र’नं दाखवला इंगा, रिलीजआधीच रेकाॅर्डब्रेक कमाई!

सोनालीनं आपल्या सोशल मीडियावर तशी पोस्ट शेअर केली आहे. तिथले गणपतीबरोबरचे फोटो शेअर करत तिनं लिहिलं आहे, ‘संध्याकाळी ५ वाजता काळवंडून गेलेलं आकाश, सोसाट्याचा वारा आणि तडाखे देणारा मुसळधार पाऊस, शिस्तप्रिय गर्दी, गोंधळून गेलेलं मन आणि अचानक समोर ही भव्य आश्वासक मूर्ती दिसली. मी हा अनुभव कधीच विसरू शकणार नाही.’ तिथे स्वाती आणि तुषार देवल, स्वाती पानसरे, स्नेहल शिदम हे कलाकारही आले होते. त्यांना भेटूनही मस्त वाटल्याचं सोनालीनं लिहिलं आहे.

काही दिवसांपूर्वी सोनाली कुलकर्णीच्या तिचं शहर होणं या सिनेमाची खूप चर्चा होती. हा चित्रपट स्वीडनच्या बोडेन आंतरराष्ट्रीय चित्रपट महोत्सवात डिसेंबर २०२१ मधील विजेता म्हणून घोषित करण्यात आला.

विकीनं उचलला नाही फोन म्हणून कतरिनानं काढली खरडपट्टी, विचारलं कोणाशी

माणसं शहरांची निर्मिती करत असतात, परंतु शहरात राहणाऱ्या लोकांचे जीवन आणि मानसिकता तयार करण्यात या शहराची देखील मोठी भूमिका असते. वर्ग, जात, धर्म, संस्कृती, जीवनशैली, उच्चभ्रू वस्ती, झोपडपट्ट्या आणि गृहनिर्माण सोसायट्या अशा विविध रेषांवर विभागलेलं शहर, आपल्या अस्तित्वासाठी आवश्यक असलेला समतोल शोधण्यासाठी सतत संघर्ष करत असतं. हा संघर्ष काही वेळा मूक समाजाला आवाज देतो. ‘तिचं शहर होणं’ ही या आवाजाची कथा आहे. ही प्रत्येकाच्या शहराची, त्याच्या अस्तित्वाची गोष्ट आहे.