सुबोध भावेच्या घरी गणपतीची अनोखी आरास,पृथ्वी सुखी कशी ठेवायची याचा मुलांनी साकारला देखावा

मुंबई : अभिनेता सुबोध भावेच्या घरी दर वर्षीप्रमाणे बाप्पांचं आगमन झालं आहे. सकाळीच पूजाअर्चा झाल्यावर सुबोधनं सोशल मीडियावर गणपती आणि त्याच्या भोवती केलेली आरास यांचे फोटो सोशल मीडियावर शेअर केले आहेत. महत्त्वाचं म्हणजे ही पूर्ण सजावट सुबोधच्या मुलांनी केली आहे.

सुबोधनं आपल्या पोस्टमध्ये लिहिलंय, ‘श्री गणेशाचं आगमन आज झालं. सर्वांना गणेशोत्सवाच्या मनपूर्वक शुभेच्छा. आमच्या घरच्या देखाव्याची कल्पना आणि सादरीकरण या वर्षीही मुलांनी केलं. “आनंदी पृथ्वी आणि दुःखी पृथ्वी.” निसर्गाचा सांभाळ केला तर आनंदी पृथ्वी आणि निसर्गाचा नाश केला तर दुःखी पृथ्वी. नवीन पिढीला निसर्ग जपण्याचं महत्त्व कळतंय. निसर्ग जपण्याची बुध्दी आणि शक्ती आपल्या अंगी येवो हीच गणराया चरणी प्रार्थना. गणपती बाप्पा मोरया.’

Video : रिंकू राजगुरूनं घरी आणला गणपती, अभिनेत्रीचा लूक चाहते बघतच राहिले!

अतिशय सुंदर संकल्पना असलेला हा देखावा आहे. सोशल मीडियावर त्यानं सगळ्यांचं लक्ष वेधून घेतलं आहे. अनेक जणांचं हेच म्हणणं असतं की निसर्ग हाच खरा देव. निसर्गाचं जतन हीच ईश्वराची पूजा. सुबोधच्या मुलांनी ते गणपतीच्या देखाव्यात मांडून अनेकांच्या डोळ्यात नकळत अंजनच घातलं आहे.

गणपतीत सुबोध सगळ्यांतून सुट्टी घेऊन घरीच वेळ देतो. नाही तर टीव्ही शो, वेब सीरिज, सिनेमा अशा सगळ्या आघाड्यांवर तो खूप व्यस्त अभिनेता आहे. त्याची पहिली वेब सीरिज येत आहे. लेखक सलील देसाई यांच्या ‘मर्डर माईलस्टोन’ या कादंबरीवर आधारीत कालसूत्र (Kalsutra) ही थ्रिलर, उत्कंठावर्धक वेब सीरिज लवकरच प्रेक्षकांच्या भेटीला येणार आहे.

सही रे सई! सई ताम्हणकरने जिंकला फिल्मफेअर! भाव खाऊन गेला तिचा हटके लूक!

एक कर्तबगार पोलीस अधिकारी, फाशीच्या शिक्षेवर असणारा एक सिरीयल कीलर, त्याच्या क्रूरतेचा बळी पडलेली आठ लोकं आणि त्याचा अदृश्य असलेला शिष्य, अशा गुंतागंतीची चौकट असणारं हे कथानक आहे. कथानकातील वेगळेपण, रहस्यमयता आणि थरार यामुळे ‘कालसूत्र’चा हे पहिलं पर्व प्रेक्षकांना नक्की आवडेल असा विश्वास निर्मात्यांनी व्यक्त केला आहे.