विवेक अग्निहोत्रींचं बॉलिवूडबाबत मोठं वक्तव्य; म्हणाले ‘बॉयकॉट संस्कृती चांगलीच’

मुंबई, 17 सप्टेंबर :  गेल्या काही दिवसांपासून सोशल मीडियावरून  बॉलिवूडवर जोरदार टीका होत आहे. कोणताही चित्रपट प्रदर्शित होण्याआधी  त्यावर काहीतरी मुद्दा शोधून  सोशल मीडियावरून  बहिष्कार किंवा बंदीची मागणी सुरू होते. साहजिकच त्यामुळे चित्रपटाच्या व्यवसायात फरक पडतो. 2022 हे वर्ष हिंदी चित्रपटसृष्टीसाठी काही खास गेलं नाही. बॉलिवूडचे अनेक बिग बजेट सिनेमे बॉयकॉट मुळे  फ्लॉप झाले आहेत.  यामध्ये अक्षय कुमार आणि आमिर खान या मोठ्या अभिनेत्यांचा समावेश आहे. आता या सगळ्यात आता ‘द काश्मीर फाईल्स’चे दिग्दर्शक विवेक अग्निहोत्री यांनी बहिष्काराच्या ट्रेंडवर वक्तव्य करत या संस्कृतीला चांगलं म्हटलं आहे.

बॉलिवूडच्या बॉयकॉट  संस्कृतीवर  एका न्यूज पोर्टलशी बोलताना विवेक अग्निहोत्री  म्हणाले की, ”हा खूप गुंतागुंतीचा मुद्दा आहे. ‘बॉलिवुडवर बहिष्कार टाका’ मोहीम खरंतर  चांगली आहे कारण बॉलीवूड मध्ये तयार केल्या जाणाऱ्या चित्रपटांविषयी लोकांमध्ये सध्या प्रचंड निराशा आहे.” पुढे विवेक अग्निहोत्री म्हणाले की, ”पण  या ट्रेंडचा अंतिम परिणाम खूप सकारात्मक असेल. कारण बॉलीवूडला सुधारण्यासाठी ही  चांगली संधी आहे. ”

हेही वाचा – Alia Bhatt : प्रेग्नेंसीनंतर ‘या’ चित्रपटातून आलिया करणार पुनरागमन; मेगा बजेट चित्रपटात साऊथ सुपरस्टारसोबत रोमान्स!

याच मुलाखतीत पुढे  विवेकना  विचारण्यात आले की, ”ही बॉयकॉट मोहीम उजव्या पक्षाकडून केली जात आहे का? या प्रश्नाचे अगदी थेट उत्तर देताना विवेक अग्निहोत्री म्हणाले की, ”हे बॉलीवूडविरुद्धचे सांस्कृतिक बंड आहे.” मात्र, यादरम्यान विवेकने आपण बॉलिवूडचा भाग नसल्याची कबुली दिली. ते म्हणाले, “मी बॉलीवूडचा भाग नाही. मी समोर कोणतेही उद्दिष्ट ठेऊन चित्रपट बनवत नाही  उलट मी यातून बाहेर पडून हिंदी चित्रपट बनवतो.”

विवेक अग्निहोत्री पुढे बॉलिवूडच्या दिगदर्शकांना आणि निर्मात्यांना एक सल्ला देत त्यांचे मत व्यक्त केले आहे. ते  म्हणाले की, ”मला फक्त फिल्म इंडस्ट्री सुधारण्याची इच्छा आहे. बॉलीवूडचे बनावट बिझनेस मॉडेल हे एखाद्या हवेच्या फुग्यासारखे फुटले आहे. इंडस्ट्रीने कथा, लेखक, दिग्दर्शक अशा मूलभूत गोष्टींवर लक्ष केंद्रित केले पाहिजे. त्यांनी स्टार्स आणि पीआर मोहिमेपेक्षा यावर अधिक लक्ष केंद्रित केले पाहिजे