Mobile Internet: कामाच्या वेळी मोबाइल डेटा संपला? डायल ‘हा’ नंबर, लगेच मिळेल डेटा, पाहा ट्रिक

नवी दिल्ली: How To Take Data Loan:इंटरनेट-डेटा प्रत्येकासाठीच खूप महत्त्वाचा आहे. आजकाल फोनवर जे काही कामं केली जातात. ती जवळ-जवळ इंटरनेटच्या मदतीनेच पूर्ण होतात असे म्हटले तर ते चुकीचे ठरणार नाही. व्हॉट्सअॅपवर कोणाशीही चॅट करणे असेल , व्हिडिओ कॉल करणे असेल ब्राउझिंग असेल किंवा सोशल मीडिया. डेटा खूप महत्त्वाचा आहे. परंतु, कधी-कधी अधिक डेटा वापरल्यामुळे तो संपतो आणि पुन्हा रिचार्ज करावे लागते. कधी कधी रिचार्ज करणे शक्य होत नाही आणि युजर्सचे टेन्शन वाढते.

वाचा: Mobile Number Portability: नंबर न बदलता फ्रीमध्ये सिम कार्ड करा पोर्ट, पाहा सोपी स्टेप्स

या स्थितीत, तुम्ही डेटा लोन घेऊ शकता आणि तुम्हाला कोणतेही तात्काळ पैसे भरावे लागणार नाहीत. तसे, तुम्ही यावेळी कोणाकडूनही हॉटस्पॉट घेऊ शकता, परंतु तुमच्या जवळ हॉटस्पॉट प्रदाता नसल्यास, Data Loan ही पद्धत तुमच्यासाठी उपयुक्त ठरू शकते. Airtel आपल्या युजर्सना डेटा कर्ज देते. चला तर मग जाणून घेऊया तुम्ही डेटा लोन कसे घेऊ शकता.

वाचा: ब्रँडेड 5G स्मार्टफोसाठी खूप खर्च करण्याची नाही गरज, Flipkart Sale मध्ये स्वस्तात मिळणार POCO F4 5G

तुम्ही या प्रकारे एअरटेल डेटा लोन घेऊ शकता:

यासाठी प्रथम तुम्हाला तुमच्या फोनच्या डायलरवर जावे लागेल. त्यानंतर *१४१*५६७# कोड डायल करा. डायल करताच तुम्हाला एअरटेलचे नेटवर्क दिसेल.
यामध्ये 2G, 3G किंवा 4G समाविष्ट असेल ज्यामधून तुम्ही तुमचे नेटवर्क निवडू शकता. याशिवाय, तुम्ही एअरटेल लोन नंबर ५२१४१ डायल करू शकता. त्यानंतर सूचनांचे पालन करून तुम्ही डेटा लोनचा लाभ घेऊ शकता. येथे लक्षात घेण्यासारखी गोष्ट म्हणजे ही सेवा विनामूल्य नाही. यासाठी तुम्हाला ठराविक वेळेनंतर पैसे भरावे लागतील. या कर्जासाठी तुम्ही Airtel Thanks मोबाईलवर देखील जाऊ शकता.

वाचा: महाराष्ट्रातून गुजरातला गेलेला सेमीकंडक्टर चिप प्रोजेक्ट काय आहे?, डिस्प्लेत भारत बनणार ‘आत्मनिर्भर’