नंबर न बदलता फ्रीमध्ये सिम कार्ड करा पोर्ट, पाहा सोपी स्टेप्स

नवी दिल्ली: Jio, Airtel, VI सह देशातील सरकारी टेलिकॉम कंपनी BSNL देखील अधिकाधिक ग्राहकांना स्वतःशी जोडण्याचा प्रयत्न करत आहे. ग्राहकांनी त्यांचे नेटवर्क सोडून दुसरी कंपनी निवडावी, असे या कंपन्यांना वाटत नाही. पण, तरीही अनेकदा यूजर आपल्या टेलिकॉम कंपनीच्या नेटवर्क, इंटरनेट आणि इतर सेवांमुळे नाराज होऊन सेवा बदलण्याचा निर्णय घेतो. आज आम्ही अशा ग्राहकांसाठी ट्रिक घेऊन आलो आहो. ज्याच्या मदतीने युजर्स त्यांचा मोबाईल नंबर घरी बसल्या दुसर्‍या कंपनीशी कनेक्ट करू शकतात. या पद्धतीला मोबाईल नंबर पोर्टेबिलिटी म्हणतात.

वाचा: ब्रँडेड 5G स्मार्टफोसाठी खूप खर्च करण्याची नाही गरज, Flipkart Sale मध्ये स्वस्तात मिळणार POCO F4 5G

कंपनी न बदलता बदलेल नंबर:

मोबाईल नंबर पोर्टेबिलिटीचे सर्वात मोठे वैशिष्ट्य म्हणजे यामध्ये यूजरला त्याचा मोबाईल नंबर बदलण्याची गरज नाही. फोन नंबर तोच राहतो. पण, त्याचा ऑपरेटर म्हणजेच मोबाईल कंपनी बदलते. युजरला त्याच्या इच्छेनुसार त्याची मोबाइल कंपनी निवडू शकतो. मोबाईल कंपनी स्वतःचे सिम पुरवते, ज्यामध्ये मोबाईल नंबर आधी सारखाच असतो.

वाचा: किलर फीचर्ससह Moto Edge 30 Fusion लाँच, फोनमध्ये दमदार प्रोसेसरसोबत ‘हे’आहे खास

प्रीपेड व्यतिरिक्त, पोस्टपेड युजर्स दोन्ही प्रकारे MNP सेवेचा लाभ घेऊ शकतात. अशात, जे ग्राहक त्यांचे विद्यमान टेलिकॉम नेटवर्क सोडून दुसर्‍या कंपनीत सामील होण्याचा विचार करत आहेत. त्यांच्यासाठी आम्ही एका कंपनीचा नंबर दुसर्‍या कंपनीच्या नंबरमध्ये कसा बदलता येईल याबद्दल सांगत आहो

मोबाईल नंबर कसा पोर्ट करायचा?

तुमच्या फोनच्या SMS बॉक्समध्ये जाऊन नवीन मेसेज लिहिण्याचा पर्याय उघडा. येथे PORT आणि स्पेस देऊन तुमचा मोबाइल नंबर टाइप करा. उदाहरण: PORT 901#####88. मेसेज टाईप झाल्यावर १९०० क्रमांकावर पाठवा. मेसेज पाठवताच, तुम्हाला एक नवीन मेसेज प्राप्त होईल जो १९०१ क्रमांकाचा असेल फोन बिल पूर्ण भरल्यावरच तुम्हाला हा पोर्टिंग कोड मिळेल.

१९०१ क्रमांकावरून प्राप्त झालेल्या मेसेजमध्ये ८-अंकी युनिक कोड असेल. त्याला पोर्टिंग कोड किंवा UPC असेही म्हणतात. या कोडमध्ये पहिले दोन इंग्रजी अक्षरे असतील आणि उर्वरित ६ अंकी असतील.

हा पोर्टिंग कोड फक्त काही दिवसांसाठी वैध असेल आणि हा कोड फक्त या दिवसांमध्ये वापरला जाऊ शकतो. हा युनिक पोर्टिंग कोड ज्या कंपनीच्या नेटवर्कवर तुम्हाला तुमचा नंबर बदलायचा आहे त्या कंपनीच्या आउटलेट किंवा स्टोअरमध्ये सोबत न्या. आउटलेटवर अर्ज भरलानंतर त्यासोबत नवीन सिम दिले जाईल. आजकाल टेलिकॉम कंपन्या होम डिलिव्हरी देखील करतात.

वाचा: Validity Plans: ३ महिन्यांपर्यंत रिचार्जचे टेन्शन विसरा, Jio च्या ‘या’ प्लानमध्ये अनलिमिटेड कॉलिंगसह, भरपूर डेटा सुद्धा