आता स्मार्टफोन ठेवणार तुमच्या घरावर ‘वॉच’, जुन्या मोबाईलला असे बनवा CCTV, पाहा ट्रिक

नवी दिल्ली : घराच्या सुरक्षिततेच्या दृष्टीने आजकाल अनेक लोक त्यांच्या घरात CCTV कॅमेरे बसवतात, जेणेकरून त्यांच्या घरावर नेहमी नजर ठेवता येईल. पण, बजेटचा विचार करता अनेकांना हवे असतानाही सीसीटीव्ही कॅमेरे बसवणे शक्य होत नाही. जर तुम्हालाही चोरांपासून किंवा इतर कोणत्याही कारणास्तव तुमच्या घरात सीसीटीव्ही लावायचे असतील, परंतु, कमी बजेटमुळे तुम्हाला ते शक्य होत नसेल तर ही माहिती तुमच्यासाठीच उपयुक्त ठरेल. तुमच्याकडे जुना मोबाईल असेल तर तुमचे काम अगदी सहज होईल.आज आम्ही तुम्हाला अशाच एका ट्रिकबद्दल सांगणार आहोत. ज्याद्वारे तुम्ही सीसीटीव्ही न लावताही सीसीटीव्हीची सुविधा मिळवू शकता. यामध्ये तुम्ही जुना मोबाईल सीसीटीव्ही कॅमेरा बनवू शकता. ही युक्ती कशी काम करते आणि मोबाईल फोनचे सीसीटीव्ही बनवण्यासाठी तुम्हाला काय करावे लागेल याबद्दल जाणून घ्या सविस्तर.

वाचा: Jio चा ‘हा’ प्लान Airtel-Vi पेक्षा वरचढ, कमी किमतीत ८४ दिवसांची व्हॅलिडिटी,भरपूर डेटा, २० % कॅशबॅकसह ‘हे’ बेनिफिट्स

या युक्तीने तुम्ही तुमचा मोबाईल सीसीटीव्ही कॅमेऱ्यात बदलू शकता. तुम्ही कुठेही राहत असाल तरीही, तुम्ही संपूर्ण घरावर लक्ष ठेवू शकता. जर तुमचे बजेट तुम्हाला घरी कॅमेरा बसवण्यात अडचण निर्माण करत असेल. तर, तुम्हाला निराश होण्याची गरज नाही. यासाठी तुम्हाला फक्त एका जुन्या मोबाईलची गरज आहे. जर तुमच्या घरी वापरात नसलेला एखादी जुना फोन असेल तर तुमचे काम लगेच होईल. पण, फोन खूप जुना नसावा, तो व्यवस्थित असावा. म्हणजेच, जर त्याचा कॅमेरा इत्यादी सर्व नीट काम करत असेल तर हा तुमच्यासाठी सर्वोत्तम पर्याय आहे. एका भन्नाट ट्रिकच्या मदतीने तुम्ही मोबाईल तुम्ही सीसीटीव्हीसाठी वापरू शकता. यासाठी, तुम्हाला तुमच्या घरात असे स्थान शोधावे लागेल, जिथून तुमच्या घराचा संपूर्ण किंवा बहुतांश भाग दिसत असेल. यानंतर, तुम्हाला फक्त हा मोबाईल फोन त्या ठिकाणी कॅमेरासह चालू ठेवावा लागेल. फोन Wi-Fiशी कनेक्ट केलेला असणे आवश्यक आहे. त्यानंतर तुम्हाला फक्त काही अॅप्स डाउनलोड करावे लागतील. सध्या असे अनेक अॅप्स उपलब्ध आहेत. जे, तुमच्या फोनला सीसीटीव्ही बनवण्याची परवानगी देतात. तुम्ही त्यांचा वापर करू शकता. याशिवाय, हे अॅप्स तुम्हाला अनेक सुविधा देखील देतात. या Apps च्या मदतीने तुम्ही तुमच्या कुटुंबियांसोबत किंवा मित्रांसोबत रिअल-टाइम लोकेशन शेअर करू शकता.

वाचा: Valentine’s Day ला पार्टनरला गिफ्ट करा ‘हे’ ट्रेंडी गॅजेट्स, किंमत ५,००० पेक्षाही कमी, पाहा लिस्ट

वाचा: ड्युअल रियर कॅमेरासह Samsung Galaxy Tab S8, Tab S8+ आणि Tab S8 Ultra लाँच, पाहा किंमत फीचर्स

वाचा: फक्त या ६ टिप्स फॉलो करा, तुम्ही कधीच ऑनलाइन फ्रॉडला बळी पडणार नाहीत