आदेश बांदेकरांच्या बाप्पाच्या विसर्जनाची सगळीकडे चर्चा, हा Video चुकवू नका!

मुंबई : गणपतीचं आगमन दणक्यात झालं. कोविड निर्बंध नसल्यानं प्रत्येकानंच गणेशोत्सव जोरदार साजरा झाला. दीड दिवस, पाच दिवस, सात दिवस आणि गौरी गणपती विसर्जन असं बाप्पाचं विसर्जनही झालं. अनेक कलाकारांनी इको फ्रेंडली गणपती आणला होता. त्याचं विसर्जनही हल्ली कोणी घरातच, कोणी झाडाखाली कोणी तलावात करतात. पण आदेश बांदेकरांनी ज्या पद्धतीनं विसर्जन केलंय, ते पाहून सगळे जण थक्क होतायत. हा व्हिडिओ व्हायरलही झाला आहे.

आदेश बांदेकर आणि सुचित्रा बांदेकर यांच्या घरच्या गणपतीची परंपरा १०० वर्षांची आहे. बांदेकर कुटुंबात १०० वर्ष बाप्पा येतात. आदेश बांदेकरांकडचा गणपती ७ दिवसांचा असतो. यावेळीही बांदेकरांकडे गणेशाचं आगमन झालं. गणेशोत्सव साजरा झाला आणि बाप्पाला निरोप द्यायची वेळ येऊन ठेपली.

Video : ‘दार उघड बये’ची नायिका वाजवतेय संबळ, रुढी-परंपरेच्या विरोधात उचललं पाऊल

भाऊजींच्या घरच्या गणपतीचा व्हिडिओ समोर आला आहे. तो व्हायरलही झाला आहे. त्यात मूर्ती तांत्रिक पद्धतीचा अवलंब करून एका बाॅक्समध्ये बंद होते. ती बंद होण्याआधी एकदा वर आणून मग पुन्हा आत जाते. जणू बाप्पा निरोप घेतोय, असं उपस्थितांना वाटत राहतं. हे अगदी पर्यावरण पूरक विसर्जन आहे. चाहत्यांना ते खूप आवडलं आहे.

होम मिनिस्टर शोमुळे आदेश बांदेकर भाऊजी होऊन घराघरात पोहोचले. जनतेशी संवाद साधण्याची त्यांची पद्धत सगळ्यांना आवडते. गेल्या १८ वर्षांपासून हा कार्यक्रम महाराष्ट्रातील तमाम वहिनींमध्ये लोकप्रिय झाला आहे. यंदा हा कार्यक्रम ‘महा मिनिस्टर’ या रूपात प्रेक्षकांच्या भेटीला आला होता.

करोना झाला होता तेव्हा तुमचे सगळे सिनेमे पाहिले, मुख्यमंत्री आणि नानांच्या रंगल्या गप्पा

‘महा मिनिस्टर’ ची विशेष चर्चा झाली ती, ११ लाखांच्या पैठणीमुळं. या कार्यक्रमात आदेश भावोजी विजेत्या वहिनीला चक्क ११ लाख रुपयांची पैठणी बक्षीस म्हणून देणार होते. राज्याच्या जिल्ह्या-जिल्ह्यात या शोचे खेळ रंगले होते. त्यामुळे कोणत्या जिल्ह्यातील वहिनी पैठणी पटकावणार याकडं सर्वांचं लक्ष लागलं होतं.
94000616