‘पीएम श्री’साठी २७ हजार कोटी, शाळांच्या आधुनिकीकरणासाठी महत्वाचा निर्णय

म. टा. विशेष प्रतिनिधी, नवी दिल्ली

प्रधानमंत्री स्कूल्स फॉर राइझिंग इंडिया (Prime Minister Schools for Rising India) म्हणजेच ‘पीएम-श्री’ योजनेंतर्गत देशभरातील १४, ५९७ शाळांच्या आधुनिकीकरणासाठी २७ हजार ३६० कोटी रुपयांचा निधी देण्यास केंद्रीय मंत्रीमंडळाने बुधवारी मंजुरी दिली. पंतप्रधान नरेंद्र मोदी यांच्या अध्यक्षतेखाली ही बैठक झाली.

‘पीएम श्री योजने’त केंद्रीय विद्यालय आणि नवोदय विद्यालयांचाही समावेश करण्यात येणार आहे. पंतप्रधान मोदी यांनी शिक्षकदिनी पाच सप्टेंबरला राष्ट्रीय शैक्षणिक धोरणांतर्गत प्रधानमंत्री श्री योजना सुरू करण्याची घोषणा केली होती. त्यांच्या घोषणेवर बुधवारच्या बैठकीत शिक्कामोर्तब करण्यात आले. या सर्व शाळा सरकारी असतील आणि राज्यांच्या साह्याने त्यांची निवड करण्यात येईल. या शाळांमध्ये स्मार्ट क्लासरूम, क्रीडा आणि अन्य बाबींचा समावेश असेल.

या योजनेंतर्गत समाविष्ट करण्यात येणाऱ्या बहुतांश शाळा केंद्र सरकारतर्फे संचालित होत आहेत. काही शाळा राज्य सरकारांकडून संचालित करण्यात येत आहेत. या निर्णयाची माहिती केंद्रीय शिक्षण मंत्री धर्मेंद्र प्रधान आणि केंद्रीय माहिती व नभोवाणी मंत्री अनुराग ठाकूर यांनी पत्रकार परिषदेत दिली.

ITI Admission:’आयटीआय’ प्रवेशाची शेवटची संधी
रेल्वे जमिनींचा भाडेपट्टा ३५ वर्षे
रेल्वेच्या जमिनींच्या भाडेपट्ट्याचा अवधी पाच वर्षांऐवजी ३५ वर्षे करण्याचा निर्णयासही मंत्रीमंडळाने मंजुरी दिली. या निर्णयामुळे पीएम गतीशक्तीअंतर्गत कार्गो टर्मिनल आणि इतर पायाभूत सुविधांच्या निर्मितीला हातभार लागणार आहे. सरकारच्या या निर्णयामुळे रेल्वेच्या जमिनींवर वीज, गॅस, पाणीपुरवठा, दूरसंचार, केबल, मलनिःस्सारण, ऑप्टिकल फायबर केबल.

पाईपलाईन, रस्ते, फ्लायओव्हर, बस टर्मिनल, प्रादेशिक रेल्वे वाहतूक आणि शहरी वाहतुकीसारख्या लोकोपयोगी पायाभूत सुविधांच्या विकासाला हातभार लागणार असल्याची माहिती अनुराग ठाकूर यांनी दिली.

‘शाळांमध्ये व्यवस्थापन समिती स्थापन करा’
२७,३६० कोटी

पीएम श्री योजनेसाठीची तरतूद

पाच वर्षे

२०२२ ते २०२७ या काळात योजना राबविणार

१८,१२८ कोटी रुपये

योजनेसाठी केंद्र सरकार देणार असलेला निधी

१८ लाख

योजनेचा लाभ होणाऱ्या विद्यार्थ्यांची अपेक्षित संख्या
All India Radio Recruitment: आकाशवाणीच्या मुंबई केंद्रात विविध पदांसाठी भरती, ‘येथे’ पाठवा अर्ज