‘तो कसला पाहुणा?; नेमकं कोणाबाबत बोलतेय कुंजिका काळविंट

मुंबई, 8 सप्टेंबर-  अजूनही सर्वत्र गणेशोत्सवाची धूम पाहायला मिळत आहे. सर्वसामान्य लोकांपासून सेलिब्रेटींपर्यंत सर्वांनी हा सण अगदी उत्साहात साजरा केला आहे. घरगुती गणपतींचं विसर्जनदेखील करण्यात आला आहे. दरम्यान आता ‘ती परत आलीये’ मालिकेतील अभिनेत्री कुंजिका काळवींटने आपल्या घरातील बाप्पाची झलक शेअर करत एक इमोशनल पोस्ट लिहली आहे.

अभिनेत्री कुंजिका काळवींट ही छोट्या पडद्यावरील एक लोकप्रिय अभिनेत्री आहे. ‘तिने अनेक मालिकांमध्ये काम केलं आहे. परंतु झी मराठीवरील ‘ती परत आलीये’ या मालिकेने तिला खास ओळख मिळवून दिली होती. या मालिकेतून ती घराघरात पोहोचली होती. या हॉरर मालिकेतील तिची भूमिका सर्वांच्याच पसंतीस उतरली होती. सुरुवातीपासून मुख्य अभिनेत्री म्हणून दिसणाऱ्या आणि मालिकेच्या शेवटी अचानक तीच खलनायिका असल्याच्या ट्विस्टने सर्वांनाच चकित केलं होतं.

कुंजिका काळवींट इन्स्टाग्राम पोस्ट-
”इतर देव-देवंतांमध्ये सगळ्यात लाडका कोण असेल तर तो माझा गणपती बाप्पा ! लहानपणापासूनच एक वेगळ्याच प्रकारची आपुलकी आणि जिव्हाळा वाटत राहिला आहे. अगदी आईकडे हट्ट करावा इतकी जवळीक नेहमीच ह्याच्या समोर हात जोडताना वाटते. त्याने नकळतच आपल्यावर कृपा-दृष्टी ठेवावी आणि आपल्याकडून ते ५ दिवस अगदी उत्साहाने सेवा करून घावी अशी काहीतरी अजब जादू आहे बाप्पाची. उगाच “गणू” बाप्पा असा एकेरी संबोधलं जात नाही !

(हे वाचा:Bhargavi Chirmuley: मराठमोळ्या भार्गवी चिरमुलेचा नवा LOOK चर्चेत; शॉर्ट हेअरने वेधलं लक्ष )
अगदी आगमनाआधी पासून त्याच्या आसनाची सजावट, मोदकांची तयारी, नातलग, आप्तेष्ट दर्शनास येणे, भक्ती भावाने ताल लयीत म्हटलेल्या आरत्या, रोज होणारी षोडशोपचारी पूजा- अर्चा, नैवद्य समर्पण, फुलांची सजावट, धुपाचा मोहक सुगंध या सगळ्यांमुळे ते दिवस.”अक्षरशः मंत्रमुग्ध असतात.सर्व काही त्याच्या चरणी समर्पित…त्याचंच आहे सगळं!! तो कसला पाहुणा? आपणच इथले पाहुणे…तो तर स्वामी इथला.!