हृतिक सैफची धमाकेदार एक्शन; विक्रम वेधाचा ढासू ट्रेलर आऊट

मुंबई, 08 सप्टेंबर : गेली अनेक दिवस ज्या सिनेमाची तूफान चर्चा होती त्या ‘विक्रम वेधा’ या सिनेमाचा ट्रेलर अखेर रिलीज झाला आहे. अभिनेता हृतिक रोशन आणि सैफ अली खान यांची प्रमुख भूमिका असलेल्या विक्रम वेधा सिनेमाचा ट्रेलर नुकतात प्रदर्शित झाला आहे.  एक्शन, ड्रामा आणि सस्पेंसनं भरलेला सिनेमाचा ट्रेलर पाहून सिनेमा पाहण्याची उत्सुकता आणखी ताणली आहे. सिनेमाचा ट्रेलर सोशल मीडियावर देखील ट्रेंड होत आहे. जबरदस्त एक्शन, दमदार डायलॉग बरोबर एकाहून एक तगड्या कलाकारांची फौज ट्रेलरमध्ये पाहायला मिळत आहे.

विक्रम वेधा हा सिनेमा तमिळ सिनेमाचं हिंदी वर्जन आहे. सिनेमाच्या हिंदी वर्जनला प्रेक्षकांचा भरभरुन प्रतिसाद मिळताना दिसत आहे.  ट्रेलरवरुन हा सिनेमा बॉक्स ऑफिसवर हिट होण्याची शक्यता वर्तवण्यात येत आहे. टॉप लेव्हल एक्शन, जबरदस्त अँक्शन, थ्रिलिंगचा पुरेपुर पॅकेज ट्रेलरमध्ये पाहायला मिळत आहे.  अभिनेता सैफ आणि ऋतिक पहिल्यांदा एकत्र मोठ्या पडद्यावर दिसणार आहे. दोघांच्या पावरपॅक अभिनयानं भरलेला सिनेमा पाहण्यासाठी दोघांच्या चाहत्यांनी उत्सुकता दाखवली आहे.

हेही वाचा – The Kapil Sharma Show मधून आणखी एका कलाकाराची एक्झिट, समोर आलं कारण

सिनेमाच्या ट्रेलरमध्ये पाहायला मिळत आहे की, हृतिक रोशन ग्रे शेड रोलमध्ये आहे.  हृतिकच्या धमाकेदार एक्शनसाठी थिएटरमध्ये  शिट्टा वाजतील असं दिसत आहे. इतकंच नाही सिनेमातील दोघांचे लुक्सही काहीसे वेगळे दिसत आहेत ज्यानं सर्वांचं लक्ष वेधलं आहे.

विक्रम वेधाची कहाणी अनेक ट्विस्ट आणि टर्न्सनी भरलेली असणार आहे. सैफ अली खान पोलिसाच्या भूमिकेत आहे तर हृतिक रोशन गँगस्टर वेधाच्या भूमिकेत आहे.  दोघांमध्ये कमालीची चुरस पाहायला मिळतेय.  दोघांमध्ये जबरदस्त फाइट सीन्स पाहायला मिळत आहेत. सोशल मीडियावर विक्रम वेधाच्या ट्रेलरवर चाहत्यांनी फायर इमोजी शेअर करत कमेंट्स केल्या आहेत.