ब्लॅकमधील चिमुरडी झाली इतकी मोठी,आता मोठ्या पडद्यावर दिसणार मुख्य भूमिकेत

मुंबई : संजय लीला भन्साळी यांच्या ‘ब्लॅक’ सिनेमात राणी मुखर्जीच्या बालपणाची भूमिका आयशा कपूर ( Ayesha Kapur) हिनं साकारली होती. आयशा हिनं साकारलेली मिशेल आजही प्रेक्षकांच्या लक्षात आहे. ब्लॅक हा सिनेमा २००५ मध्ये प्रदर्शित झाला होता. १७ वर्षापूर्वी बालकलाकार असलेली आयशा आता हिरॉईन म्हणून येण्यासाठी सज्ज झाली आहे. या १७ वर्षांत आयशानं हिरोईन होण्यासाठी खूप मेहनत घेतली आहे. तिचे कोच कुलविंदर बक्षी यांच्याकडून ती सहा महिनं हिंदी शब्दोच्चार शिकली. बक्षी यांच्याकडूनच आमिरनं लाल सिंह चड्ढा सिनेमासाठी पंजाबी भाषा शिकली होती.

२८ वर्षांची आयशा कपूर लवकरच बॉलिवूडमधील ‘हरी ओम’ या सिनेमातून पदार्पण करत आहे. आयशानं न्यू यॉर्कमधून कोलंबिया विद्यापीठातून तिचं शिक्षण पूर्ण केलं आहे. सध्या ती बॉलिवूडमध्ये पदार्पणसाठी जोरदार मेहनत घेत आहे. तिच्या सिनेमाबद्दल आयशानं सांगितलं की, ‘मी अभिनयाच्या क्षेत्रात परत येण्यासाठी आणि माझ्या आगामी हरी ओम सिनेमासाठी खूपच उत्सुक आहे. ही एक सुंदर कौटुंबिक कथा आहे. ती प्रत्येकाला आवडेल असा विश्वास आहे. हरीश सरांनी ज्या साधेपणानं सिनेमाची पटकथा लिहिली आहे आणि व्यक्तिरेखांना त्यांनी अतिशय सहजपणं साकारलं आहे. सिनेमाची कथा खरी आहे. हा सिनेमा माझ्यासाठी खास आहे कारण रघुवीर यादव, सोनी राजदान सारख्या दिग्गज कलाकारांबरोबर काम करायची संधी मिळाली आहे. त्यामुळे हा सिनेमा माझ्यासाठी खास आहे. त्यांच्याकडून मी खूप काही शिकले आहे.’

विवाहित पुरुषासह अभिनेत्रीने गुपचूप उरकलं होतं लग्न; पहिल्या पत्नीला समजताच…

आयशा कपूर बरोबर दिसणार हा अभिनेता
आयशानं पुढं सांगितलं की, ‘अंशुमनबरोबर काम करण्याचा अनुभव खूपच छान आहे. त्याचा अभिनय, त्याचा स्क्रिप्टचा चॉईस मला आवडला. या सिनेमाचं चित्रीकरण मध्य प्रदेशमध्ये होणार आहे. त्यामुळे मी खूपच उत्सुक आहे.’
भार्गवी चिरमुलेचा नवीन लुक पाहिलात का? अभिनेत्रीच्या नव्या अंदाजाची होतेय चर्चा

सप्टेंबरमध्ये सुरू होणार चित्रीकरण
हरी ओम सिनेमाचं चित्रीकरण सप्टेंबरमध्ये होणार आहे. सिनेमाचा पहिला भाग भोपाळमध्ये चित्रीत केला जाणार आहे. तो डिसेंबरमध्ये संपेल.