वनडे क्रिकेटमधील सर्वात भयानक सुरुवात; ६ धावांवर गमावल्या इतक्या विकेट की…

लंडन: दक्षिण आफ्रिकेचा संघ इंग्लंड दौऱ्यावर आहे. दोन्ही संघात झालेल्या दुसऱ्या वनडे सामन्यात द.आफ्रिकेचा ११८ धावांनी दारुण पराभव झाला. आफ्रिकेने टॉस जिंकून इंग्लंडला प्रथम फलंदाजी करण्याचे आमंत्रण दिले. पावसामुळे ही लढत २९ षटकांची करण्यात आली. इंग्लंडने २०१ धावा केल्या त्यानंतर जे काही झाले त्याचा विचार कोणी केला नाही.

वनडे क्रिकेटच्या इतिहासातील एखाद्या संघाची इतकी वाईट सुरूवात झाली नसेल. आफ्रिकेचे खेळाडू जेव्हा धावांचा पाठलाग करण्यासाठी मैदानात उतरले तेव्हा जणू ते फलंदाजी वसरले की काय असे वाटू लागले. स्कोअरबोर्डवर धावा नव्हे तर फक्त विकेटचे आकडे बदल होते. गोलंदाजांवर तुटून पडणारे आफ्रिकेचे फलंदाज एकापाठोपाठ एक माघारी परत होते. आफ्रिकेने फक्त ६ धावा केल्या होत्या आणि त्यांनी ४ विकेट गमावल्या.

वाचा- भारताच्या थरारक विजयापेक्षा कॅचची चर्चा आणि कौतुक जास्त; पाहा काय झालं पहिल्या वनडेत

आफ्रिकेच्या सलग ३ फलंदाजांना धाव करता आली नाही. यात जानेमन मलान, रस्सी वॅन डेर डूसन, एडेन मार्कराम यांचा समावेश होता. मार्करामतर एकही चेंडू न खेळता जोस बटलरच्या थ्रोवर धावबाद झाला.

वाचा- भारतीय क्रिकेटपटूच्या घरी हलणार पाळणा; फोटो शेअर करत सांगितली तारीख

खराब सुरुवातीनंतर इंग्लंडने आफ्रिकेला संभाळू दिले नाही. त्याचा डाव २०.४ षटकात ८३ धावात संपुष्टात आला. या विजयासह त्यांनी मालिकेत १-१ अशी बरोबरी केली.

वाचा- भारताचा वेस्ट इंडिजवर थरारक विजय; अखेरच्या षटकात सिराज ठरला हिरो

आफ्रिकेच्या फक्त ३ फलंदाजांना दुहेरी धावसंख्या करता आली. यात हेन्नरी क्लासेनने ३३, डेव्हिड मिलर १२ तर ड्वेन प्रिटोरियसच्या १७ धावांचा समावेश होता. इंग्लंडकडून आदिल राशिदने सर्वाधिक ३ विकेट घेतल्या. पहिल्या वनडेत आफ्रिकेने ६२ धावांनी विजय मिळवला. पण दुसऱ्या लढती इंग्लंडने दमदार कमबॅक केले.