माझा विघ्नहर्ता सगळी विघ्नं घेऊन गेला, बाप्पाला निरोप देताना अभिज्ञा भावे गहिवरली

मुंबई : गणपती बाप्पाचं आगमनं झालं आणि दीड दिवसांच्या बाप्पांचं वाजतगाजत विसर्जनही झालं. अनेक कलाकारांकडे गणेशोत्सव साजरा होतो. कोणाकडे दीड दिवस, कोणाकडे गौरी-गणपती तर कोणाकडे दहा दिवस. प्रत्येक जण सोशल मीडियावर आपल्या गणपतीचे फोटो शेअर करतोय. अभिनेत्री अभिज्ञा भावेनंही पहिल्या दिवशी पोस्ट शेअर केली.

आता अभिज्ञानं एक व्हिडिओ शेअर केला आहे. त्यात गणपतीची सजावट कशी झाली ते शूट केलंय. सगळी सजावट तिचा पती मेहुल पै यानं केली आहे. अभिज्ञानं लिहिलं आहे, ‘हे वर्ष खऱ्या अर्थाने खास होतं, माझा विघ्नहर्ता सगळी विघ्न त्याच्याबरोबर घेऊन गेला. हा कठीण काळ मागे टाकून पुढच्या वर्षी अधिक जोमाने तुझी सेवा करायची वाट बघू! बाप्पा पुढच्या वर्षी लवकर या.’

कार्तिक करतोय उकडीचे मोदक, मामा-भाच्याची ही पाककृती पाहाच!

अभिज्ञाचा पती मेहुलला कर्करोगानं गाठलं होतं. पण त्याचा सामना करून तो आता पूर्ण कॅन्सरमुक्त झालाय. ही खरोखर खूप मोठी गोष्ट आहे. त्यामुळे अभिनेत्रीच्या या पोस्टमागे त्यांनी सहन केलेल्या वेदना, चिंता दडल्या आहेत. आता सगळी विघ्न संपली म्हणून तिनं बाप्पाचे आभारही मानले आहेत. पहिल्या दिवशी अभिज्ञानं गणपतीबरोबर शेअर केलेल्या फोटोत लिहिलं होतं, माझी भक्ती तुझी शक्ती एकरूप झाली.

यावर्षी अभिज्ञा आणि मेहुलचा गणपती शंकराच्या रूपातला होता. केदारनाथचा देखावा केला होता. अगदी घरात प्रवेश केल्यापासून अख्खं वातावरण शिवमय झालं होतं. हा व्हिडिओ चाहत्यांना खूप आवडलाय.

सध्या तू तेव्हा तशी मालिकेत अभिज्ञा वल्लीची भूमिका साकारतेय. वल्ली हे पात्र साकारतानाच्या अनुभवाबद्दल अभिज्ञाने सांगितलं, ‘हे पात्र नकारात्मक जरी असलं तरी ते विनोदीसुद्धा आहे. त्यामुळे खूप मजा येतेय आणि एक वेगळा आत्मविश्वास मिळतोय. संपूर्ण टीममुळे मला हे पात्र अधिक चांगल्याप्रकारे रंगवता येतंय’. नकारात्मक पात्राची प्रेक्षकांनी घेतलेली दखल, नोंद आणि त्यामागची मेहनत हे सगळं खूप सुखावणारं असल्याचं अभिज्ञा सांगते.

विराट-अनुष्काने महाराष्ट्रात खरेदी केली महागडी प्रॉपर्टी, किंमत ऐकून हैराण व्हाल