आता विराट कोहलीचा खास मित्र होणार ऑस्ट्रेलियाचा कर्णधार? ही नावं चर्चेत

मुंबई: यंदाचा टी २० विश्वचषक येत्या ऑक्टोबरपासून ऑस्ट्रेलियामध्ये खेळवला जाणार आहे. पण तत्पूर्वी ऑस्ट्रेलियाचे वन डे सामने इतर संघांसोबत सुरू आहेत. तर याच कालावधीत ऑस्ट्रेलियाचा कर्णधार एरॉन फिंच याने वन डे क्रिकेटमधून निवृत्ती घेतली आहे. रविवारी न्यूझीलँडसोबत झालेला सामना हा एरॉन फिंचच्या नेतृत्त्वाखाली शेवटचा सामना होता. मात्र टी २० इंटरनॅशनल क्रिकेटसाठी संघाची सुत्रे ही एरोन फिंचकडेच असतील.

पण सध्या ऑस्ट्रेलिया क्रिकेट संघात वन डे सामान्यांसाठीचे कर्णधारपद रिक्त आहे. या पदासाठी अनेक दावेदार आहेत. वन डे क्रिकेटमधून एरॉन फिंचच्या निवृत्तीनंतर ऑस्ट्रेलियन संघात वन डे कर्णधारपदासाठी विराट कोहलीच्या खास मित्राच्या नावाची देखील चर्चा सुरू आहे. डेव्हिड वॉर्नर हा मोठा दावेदार आहे. ऑस्ट्रेलियन संघाचा कर्णधार बनण्यात कोणते तीन खिलाडी दावेदार आहेत, एकदा नजर टाकूया.

क्रिकेट नाही तर ‘या’ खेळात सूर्याला करायचं होतं करिअर, आता आहे टीम इंडियाचा हुकुमी एक्का

डेव्हिड वॉर्नर

तत्कालीन कर्णधार स्टीव्हन स्मिथ, उपकर्णधार डेव्हिड वॉर्नर आणि कॅमेरून बॅनक्रॉफ्ट या तीन ऑस्ट्रेलियन क्रिकेटपटूंवर बॉल टेम्परिंग प्रकरणी बंदी घालण्यात आली होती. हे प्रकरण सँडपेपर गेट घोटाळा म्हणून समोर आले. स्मिथला कोणत्याही प्रकारचे कर्णधारपद भूषवण्यास दोन वर्षांची बंदी घालण्यात आली होती तर वॉर्नरवर अशा भूमिकेसाठी आजीवन बंदी घालण्यात आली होती. वॉर्नर त्याच्यावरील बंदी संपल्यानंतर संघात परतला आहे आणि त्याने संघाला अनेक मोहिमेत विजय मिळवून दिले आहेत, ज्यात यूएईमध्ये गेल्या वर्षीच्या टी २० विश्वचषक विजयाचा समावेश आहे.

अफेअर, घटस्फोट अन् सेक्स स्कॅंडल; मैदानाबाहेर रंगेल आयुष्य जगला शेन वॉर्न

पॅट कमिन्स

या पदासाठी कसोटी कर्णधार पॅट कमिन्स आघाडीवर असल्याचे मानले जात आहे. तो सध्या ऑस्ट्रेलियाचा कसोटी कर्णधार आहे. गेल्या वर्षी त्याने अॅशेसमध्ये इंग्लंडचा ४-० असा पराभव केला होता. कसोटीसोबतच त्याच्यावर आता वन डे क्रिकेटचेही कर्णधारपद सोपवले जाऊ शकते.

Jasprit Bumrah: भारतीय संघात दोन ‘बुमराह’ दिसणार, वर्ल्डकपमध्ये फलंदाजांविरुद्ध

ग्लेन मॅक्सवेल

आयपीएलमध्ये आरसीबी म्हणजेच विराट कोहलीच्या संघाकडून खेळणारा मॅक्सवेल ऑस्ट्रेलियाचा वन डे कर्णधारही बनू शकतो. तो वन डे आणि टी २० चा नियमित खेळाडू आहे. शॉर्ट बॉल फॉरमॅटमध्ये मॅच जिंकण्याच्या क्षमतेसाठी तो ओळखला जातो. मॅक्सवेलचा १२७ वन डे आणि ८७ टी-२० आंतरराष्ट्रीय सामन्यांचा अनुभव ऑस्ट्रेलियासाठी नक्कीच उपयोगी पडेल.