बारावी शिकलेली कोल्हापूरची गृहिणी झाली करोडपती, वाचा कविता चावला यांची हृदयस्पर्शी कहाणी

मुंबई- शिक्षणाला वय नसतं. जिद्दीला वेळ नसते ही वाक्य आपण कायमच ऐकतो. तुमच्यासमोर काय परिस्थिती आहे यावर तुम्ही तुमच्या स्वप्नांना रोखू शकत नाही असंही म्हटलं जातं. हे सगळं सत्यात आणलं आहे एका बारावी शिकलेल्या गृहिणीने.कोल्हापूरच्या कविता चावला यांनी घरकाम, मुलांचे संगोपन या जबाबदाऱ्या पेलत कौन बनेगा करोडपती या शोमध्ये जाण्याचं स्वप्नं २२ वर्षापूर्वी पाहिलं आणि शोच्या १४ व्या सीझनमध्ये १ कोटी रुपयांच्या धनादेशावर नाव कोरलं. १४ व्या सीझनच्या त्या पहिल्या करोडपती ठरल्या. हा क्षण त्यांच्या आयुष्यातील आनंदाचा आहेच पण कविता यांचा आजवरचा प्रवासही खूप खडतर आणि संघर्षमय आहे.

‘सेल्फी’चा वाद! निर्मात्याने कथा चोरी केल्याचा मराठमोळ्या अभिनेत्रीचा आरोप

कोल्हापुरातील गांधीनगर परिसरात राहणाऱ्या कविता यांचं शिक्षण बारावीपर्यंत झालं आहे. आर्थिक परिस्थितीमुळे त्यांना पुढे इच्छा असूनही शिकता आलं नाही. खरंतर त्यांचे वडील दहावीनंतरच शिक्षण थांबवणार होते, पण कविता यांनी बारावीपर्यंत शिकण्याची जिद्द ठेवली. शिक्षकांनी पालकांची समजूत काढली तेव्हा कुठे कविता यांना बारावीपर्यंत शिकता आले. बारावीनंतर कविता यांचं लग्नं झालं आणि एक गृहिणी म्हणूनच त्यांचा प्रवास सुरू झाला.

४५ वर्षाच्या कविता त्यांचा जीवनप्रवास सांगताना म्हणाल्या, बारावीनंतर आईला घरकामात मदत करायचे. शिवणकामातून घराला आर्थिक हातभार लावायचे. लग्नानंतर घरकामातच वेळ जायचा. मुलगा झाल्यानंतर त्याचा पहिलीपासून आठवीपर्यंत मीच अभ्यास घ्यायचे. त्याला शिकवताना मला असं वाटायचं की मीच अभ्यास करतेय. त्याच्या पाठ्यपुस्तकातील अभ्यास शिकवताना मी पण माहिती घेत होते.

कसं शक्य आहे! नोरा फतेहीचा तीळ व्हिडिओत दिसतो पण फोटोत नाही, खोटं वाटत असेल तर हा घ्या पुरावा

जेव्हा वर्ष २००० मध्ये केबीसी शो आला तेव्हाच कविता यांनी या शोमध्ये जायचं असं ठरवलं. मुलाचा अभ्यास घेताना सामाज्ञ ज्ञानावर भर देत राहिल्या. दरम्यान त्यांना संधी मिळाली पण फोनवरून नोंदणी करण्याची पद्धत त्यांना कळाली नाही आणि ती संधी गेली. गेल्या २२ वर्षात दोन ते तीनवेळा केबीसी मध्येसहभागी होण्याची संधी काही ना काही कारणाने हुकली.

त्या म्हणाल्या की, ‘मी आयुष्यात कधी इतकी नाराज झाले नाही जितकी ही संधी गेल्याने झाले. पण एखादी गोष्ट ठरवली की ती करायचीच असा स्वभाव असल्याने मी पाठपुरावा सोडला नाही. मुलाचा अभ्यास घेत असताना जे काही मी समजून घ्यायचे तीच माझी या शोची तयारी होती.’ लग्नं, मुलं, जबाबदाऱ्या म्हणजे गृहिणींचं आयुष्य संपलं असं समजू नये, त्यांना जे आवडतं ते त्यांनी केलं पाहिजे असं सांगायलाही त्या विसरत नाहीत.

जेव्हा अमिताभ बच्चन माझ्याकडे बघून १ कोटी असं ओरडले तो क्षण माझ्या आयुष्यातील अविस्मरणीय क्षण आहे असं कविता यांनी सांगितलं. हा शो बघताना मला वाटायचं ही हा क्षण माझ्या आयुष्यात कधी येईल आणि तो आला. या १ कोटी बक्षिसाच्या रक्कमेचा उपयोग मी मुलगा विवेकला चांगलं शिक्षण देण्यासाठी करणार आहे. त्याने बीसीएची पदवी घेतली आहे आणि त्याचं स्वप्नं पूर्ण करण्यासाठी ही रक्कम उपयोगात आणणार असं कविता यांनी सांगितलं.