कौन बनेगा करोडपती कार्यक्रमात स्पर्धकाच्या गर्लफ्रेंडचीच चर्चा, बिग बीदेखील झाले हैराण

मुंबई : ‘कौन बनेगा करोडपती’ (Kon Banega Karodpati 14) कार्यक्रमाचे १४ वे पर्व सोनी टीव्हीवरून प्रसारित होऊ लागले आहे. अमिताभ बच्चन यांच्या ओघवत्या शैलीतील खुमासदार अशा निवेदनामुळे हा कार्यक्रम प्रेक्षक आवडीनं पाहतात. स्वातंत्र्यदिनी प्रसारित झालेल्या कार्यक्रमात हॉट सीटवर दिल्लीहून आलेला आयुष गर्ग बसला होता. या कार्यक्रमात आयुष त्याची गर्लफ्रेंड आरुषी शर्माबरोबर सहभागी झालेला. आयुष आणि आरुषी यांचा धीटपणा पाहून खुद्द बिग बीदेखील आश्चर्यचकीत झाले. इतकंच नाही तर या दोघांची चर्चा सोशल मीडियावरही होत आहे.

प्रदीप यांच्या निधनाच्या ८ दिवसांनंतर पूर्वाश्रमीच्या पत्नीने शेअर केली पोस्ट

भारताच्या स्वातंत्र्याला ७५ वर्ष पूर्ण होत आहे. त्यामुळे कौन बनेगा करोडपती कार्यक्रमात ७५ लाखांच्या प्रश्नाचा नवा टप्प्याचा समावेश करण्यात आला आहे. स्वातंत्र्यदिनी प्रसारित झालेल्या भागामध्ये दिल्लीतील आयुष गर्ग हॉट सीटवर बसून त्याचं नशीब आजमावत होता. जेव्हा आयुष हॉट सीटवर आला तेव्हा अमिताभ यांनी त्याला कोणाला सोबत घेऊन आलाअसा प्रश्न विचारला. त्यावर आयुषनं गर्लफ्रेंडची ओळख सर्वांना अभिमानानं करून दिली. आयुषचा हा स्पष्टवक्तेपणा पाहून खुद्द अमिताभ यांनादेखील आश्चर्याचा धक्का बसला.

आयुषनं उत्तर दिल्यानंतर ते म्हणाले की, ‘सर्वसाधारणपणे या कार्यक्रमात जे स्पर्धक सहभागी होतात ते त्यांच्या घरातील कोणत्या तरी जवळच्या व्यक्तीसोबत येतात. मग ती आई असते, वडील असतात, भाऊ-बहीण असतात. परंतु तुम्ही पहिले स्पर्धक आहात की जे गर्लफ्रेंडबरोबर सहभागी झाला आहात.’ त्यानंतर अमिताभ यांनी आयुषला त्या दोघांची भेट कशी झाली याबाबत विचारले. तेव्हा या दोघांची भेट डेटिंग अॅपवरून झाल्याचं कळताच अमिताभ हैराण झाले.

सुप्रिया यांना विवाहित वाटलेले सचिन पिळगांवकर, विचित्र कारण देऊन दिलेला लग्नाला होकार

अमिताभ बच्चन यांची उत्सुकता चांगलीच शिगेला पोहोचली आणि त्यांनी आयुषला ऑनलाइन डेटिंग नक्की काय असतं विचारलं. हे विचारत असताना त्यांनी सांगितलं की, मी हे स्वतःसाठी विचारत नाहीये, असं ते म्हणताच एकच हशा पिकला. दरम्यान, कौन बनेगा करोडपती कार्यक्रमाचे प्रोमो सोशल मीडियावर खूपच व्हायरल झाले आहेत. या कार्यक्रमात हॉट सीटवर बसलेला आयुष अतिशय उत्तम खेळत आहे.