ब्रेस्ट आणि ओठ छोटे आहेत… मराठमोळ्या अभिनेत्रीला हे कारण देत सिनेमातून दाखवला होता बाहेरचा रस्ता

मुंबई: दर्जेदार अभिनयासाठी ओळखली जाणारी मराठमोळी अभिनेत्री राधिका आपटे (Radhika Apte Birthday) १७ वर्षांहून अधिक काळ या मनोरंजन इंडस्ट्रीत आहे. आज अभिनेत्री तिचा ३७ वा वाढदिवस साजरा करतेय. कुठलाही गॉडफादर नसताना तिने आपल्या टॅलेंटच्या जोरावर या इंडस्ट्रीत आपले स्थान निर्माण केले आहे. इथपर्यंत पोहोचण्यासाठी तिने खूप संघर्ष केला आणि अनेक धक्कादायक गोष्टींचा सामनाही केला. राधिका अशा काही अभिनेत्रींपैकी एक आहे ज्यांनी खुलेपणाने बॉलिवूडचा पर्दाफाश केला आहे. राधिका अनेकदा कास्टिंग काऊचविषयी बोलताना दिसते. अभिनेत्रीने इंडस्ट्रीतील घृणास्पद घटनांची पोलखोलही केली आहे.

हे वाचा-महाकालचे दर्शन न घेताच परतले आलिया-रणबीर; अभिनेत्याचं ‘बीफ प्रेम’ भोवलं

राधिकाने कास्टिंग काऊचचा तर सामना केलाच आहे, पण एक काळ असा होता जेव्हा तिला बॉलिवूडमधील काहींनी प्लॅस्टिक सर्जरी करण्याचा सल्ला दिला होता. राधिकाच्या सावळ्या रंगाविषयीही अनेकदा कमेंट केली जायची. राधिकाने दिलेल्या एका मुलाखतीमध्ये असा खुलासा केला होता की, तिला एका प्रोजेक्टमधून हे सांगून बाहेरचा रस्ता दाखवण्यात आला होता की इतर अभिनेत्रींच्या तुलनेत तिचे ब्रेस्ट आणि ओठ छोटे आहेत. राधिकाने हेही सांगितले होते की करिअरच्या सुरुवातीला तिला असाही सल्ला देण्यात आला होता की तिने बोटॉक्स आणि ब्रेस्ट इंप्लांट करून घ्यावे.

इतर अभिनेत्रींच्या तुलनेत लिप्स आणि ब्रेस्ट छोटे असल्याने तिला रिजेक्ट करण्यात आले होते. या सर्व मागण्या ऐकून तिचा संताप झाल्याचे अभिनेत्री सांगते. Film Companion ला दिलेल्या मुलाखतीमध्ये राधिकाने याविषयी सांगितले होते. राधिकाला असे सांगण्यात आले होते की, जर ती जास्त सेक्सी बनली तर ती जास्त चालेल.

हे वाचा-तिरुपती बालाजी मंदिरात अभिनेत्रीसोबत गैरव्यवहार? रडत-रडत शेअर केला Video

कधी नाकाची सर्जरी तर कधी ब्रेस्ट इंप्लांट करण्याचा मिळाला सल्ला

राधिकाला तिच्या करिअरच्या सुरुवातीला तिच्या शरीर रचनेवर काम करण्याचा सल्ला देण्यात आला होता. राधिका सांगते की तिने या गोष्टींना तिच्यावर वर्चस्व गाजवू दिले नसले तरी तिला याचा राग जरूर आला होता. राधिका म्हणते की, ‘सुरुवातीला माझ्यावर प्रेशर होते. मी इंडस्ट्रीत नवीन होते तेव्हा मला माझ्या शरीररचनेवर काम करण्यास सांगण्यात आले. पहिल्याच भेटीत सांगण्यात आले की नाकाची सर्जरी कर. दुसऱ्या भेटीत ब्रेस्ट इंप्लांट करण्याचा सल्ला मिळाला.’

राधिका सांगते की, ‘मग हे असंच पुढे चालत राहिलं. कधी मला माझ्या पायांवर तर कधी जबड्यावर शस्त्रक्रिया करण्यास सांगितले गेले. माझे केस रंगवायलाच मला ३० वर्षे लागली. मी तर कधी इंजेक्शनही घेणार नाही. मला या सगळ्या गोष्टींचा राग तर आला होता, पण त्यामुळेच मी माझ्या शरीराच्या आणखी प्रेमात पडले.’

अभिनेत्री राधिका आपटे लवकरच ‘विक्रम वेधा’ या बॉलिवूड सिनेमात दिसणार आहे. या सिनेमात ती सैफ अली खान आणि हृतिक रोशन यांच्यासोबत स्क्रिन शेअर करते आहे. विविध भाषांतील सिनेमातून अभिनयाची छाप सोडणाऱ्या या अभिनेत्रीच्या नव्या सिनेमासाठी प्रेक्षक नक्कीच उत्सुक आहेत.