रोहित शर्माने पकडला कार्तिकचा गळा, LIVE सामन्यात असं घडलं तरी काय?

मोहाली: ऑस्ट्रेलियाविरुद्धच्या तीन सामन्यांच्या टी-२० मालिकेतील पहिल्या सामन्यात रोहित शर्माने फलंदाजीमध्ये उत्कृष्ट कामगिरी करू शकला नाही. पण क्षेत्ररक्षणाच्या वेळी मैदानावर घेतलेल्या निर्णयाने चाहत्यांची मने जिंकली. या सामन्यात रोहित शर्माने चपळाई दाखवत दोन यशस्वी डीआरएस घेतले, त्यामुळे टीम इंडियाला एकाच षटकात दोनदा यश मिळवता आले.

यादरम्यान रोहित आणि कार्तिकमध्ये एक वेगळाच प्रकार पाहायला मिळाला. कर्णधारने यष्टिरक्षक दिनेश कार्तिकवर आपला राग व्यक्त केला, ज्याचा एक व्हिडिओ सोशल मीडियावर चांगलाच व्हायरल होत आहे. डीआरएसला संमती न दिल्याने रोहित कार्तिकवर नाराजी दाखवत असल्याचे या व्हिडिओमध्ये स्पष्टपणे दिसत आहे.

ICCने गेमच बदलला; वर्ल्डकपच्या आधी क्रिकेटच्या नियमात केले मोठे बदल

खरे तर डावाच्या १२व्या षटकात धोकादायक ठरत असलेल्या स्टीव्ह स्मिथने पहिल्या दोन चेंडूंवर एक षटकार आणि एक चौकार मारून १० धावा केल्या. यानंतर उमेश यादवने डावातील तिसरा चेंडू बाहेर टाकला, ज्यावर स्मिथने कट करण्याचा प्रयत्न केला पण चेंडू बॅटच्या अगदी जवळ जाऊन यष्टिरक्षकाच्या हातमोजेत अडकला. यादरम्यान, बॅट आणि बॉलमध्ये हलका संपर्क झाल्याचा आवाज आला. बॉलर उमेश यादवला पूर्ण खात्री होती की चेंडू बॅटला लागला आणि त्याने जोरदार आवाहन केले.

कर्णधार रोहितलाही तसंच वाटलं पण पंचांनी ते पूर्णपणे नाकारलं. दरम्यान रोहितने कार्तिकचा सल्ला घेतला पण कार्तिकला पूर्णपणे खात्री नव्हती. मात्र, असे असतानाही रोहितने डीआरएस घेतला आणि स्निकोमीटरला चेंडू स्मिथच्या बॅटला लागल्याचे दिसून आले आणि त्याला पॅव्हेलियनमध्ये परत जावे लागले. अशाप्रकारे कर्णधाराच्या योग्य निर्णयामुळे भारताला महत्त्वाची विकेट मिळाली.

कोण आहे नारायण व्यास? सचिन तेंडुलकरलाही भेटण्याचा मोह आवरता आला नाही

स्टीव्ह स्मिथच्या विकेटनंतर त्याच षटकात पुन्हा तीच परिस्थिती निर्माण झाली. यावेळी ग्लेन मॅक्सवेल समोर होता. उमेश यादवने शेवटचा चेंडू शॉर्ट पिचवर टाकला. चेंडू त्याच्या डोक्यावरून गेला आणि दिनेश कार्तिकच्या ग्लोव्हमध्ये गेला. यावेळीही कार्तिकला पूर्णपणे स्पष्टता नव्हती. तर, कर्णधार रोहित शर्माला बॉलचा बॅटशी संपर्क झाल्याचा आवाज स्पष्टपणे ऐकू आला आणि त्याने हे कार्तिकलाही सांगितले.

रोहितने पुन्हा डीआरएस घेण्याचा निर्णय घेतला. यावेळी परत रोहितने योग्य निर्णय घेतल्याचे दिसले आणि टीम इंडियाला त्याच षटकात दुसरी विकेट मिळाली. मात्र, असे असतानाही ऑस्ट्रेलियाच्या मधल्या फळीने डाव सांभाळत भारताकडून सामना हिरावून घेतला.

सचिन तेंडुलकरचा वर्ल्डकपमधील मोठा विक्रम धोक्यात; ऑस्ट्रेलियात हा दिग्गज खेळाडू

ऑस्ट्रेलियाने चार गडी राखून जिंकला

या सामन्यात ऑस्ट्रेलियन संघाला भारताने २०९ धावांचे आव्हान दिले होते. ॲरॉन फिंच आणि कॅमेरून ग्रीन यांनी डावाची सुरुवात केली. ऑस्ट्रेलियाकडून ग्रीनने ३० चेंडूत ६१ धावांची शानदार खेळी खेळली. तर फिंचने १३ चेंडूत २२ धावांचे योगदान दिले. याशिवाय स्टीव्ह स्मिथने २४ चेंडूत ३५ धावांची खेळी केली.
त्याचवेळी, मॅथ्यू वेडने मधल्या फळीत ऑस्ट्रेलियासाठी २१ चेंडूत ४२ धावांची नाबाद खेळी करत संघाला ४ गडी राखून विजय मिळवून दिला. या सामन्यात वेडशिवाय टीम डेव्हिडने १८ आणि जोश इंग्लिशने १७ धावा केल्या.