नवा गडी नवं राज्य: आनंदी मुलांना शिकवतेय रामरक्षा, अस्वस्थ झाली रमा

मुंबई : झी मराठीवर काही दिवसांपूर्वी सुरू झालेली मालिका नवा गडी नवं राज्य हळूहळू प्रेक्षकांच्या मनाची पकड घेतेय. आनंदी, राघव, चिंगी यांचा संसार आणि रमाचं आनंदीला भेटणं रंगत आणतंय. आनंदीचा प्रभाव इथे पडू नये म्हणून रमा कसोशीनं प्रयत्नही करत आहे. पण रमा फक्त आनंदीलाच दिसतेय.

पुढच्या भागाचा एक व्हिडिओ व्हायरल झालाय. त्यात काॅलनीतले लाइट गेलेत. सगळे जण आवारात जमलेत. मुलं थोडी घाबरली आहेत. अशात चिंगी विचारते, भूत आलं तर? तेव्हा आनंदी तिला म्हणते, रामरक्षा म्हण. ती म्हटली की भूत फिरकणारही नाही. तेव्हा शेजारी रमा असते. रामरक्षा सुरू झाल्यावर तिला अस्वस्थ वाटायला लागतं. आनंदीला हे पाहून आश्चर्य वाटतं.

प्रिया बापटला येतेय उमेश कामतची प्रचंड आठवण, म्हणून गुणगुणतेय गाणं; Video झाला व्हायरल

मध्यंतरी आनंदी लालबागच्या राजाच्या दर्शनाला जाते. तेव्हा थोडा वेळ हरवते. त्यावेळी राघव आणि चिंगीही काळजीत पडतात. आनंदी आता कर्णिक कुटुंबात रुळू लागली आहे.

अभिनेत्री पल्लवी पाटील हिनेही या मालिकेसाठी मालवणी भाषा शिकून घेतली. मालिकेतील आनंदी ही मालवणी दाखवण्यात आली आहे, त्यासाठी पल्लवीला मालवणी लहेजा, शब्द शिकणं गरजेचं होतं. मालिकेच्या निमित्ताने गप्पा मारताना पल्लवीने हा अनुभव सांगितला.

सोनाली कुलकर्णीनं साजरा केला दुसऱ्या कन्येचा वाढदिवस, शेअर केले समारंभाचे Photo

पल्लवी सांगते, मी मूळची खानदेशी आहे. खानदेशी भाषा मला चांगली येते. त्याशिवाय मी मराठीही बोलते, लिहिते. पण मालवणी भाषेतील बारकावे मला येत नव्हते. जेव्हा नवा गडी नवं राज्य या मालिकेची ऑफर आली तेव्हाच ही गोष्ट कळली की यासाठी मला मालवणी भाषा शिकावी लागणार. अनिता दाते, पल्लवी पाटील आणि कश्यप परुळेकर यांच्या भूमिका लोकांना आवडतायत.