IND vs AUS : हार्दिक आणि भुवी यांना ऑस्ट्रेलियाच्या मालिकेतून का वगळलं, जाणून घ्या खरं कारण

मुंबई : हार्दिक पंड्या, अर्शदीप सिंग आणि भुवनेश्वर कुमार यांना ऑस्ट्रेलियाविरुद्धच्या मालिकेसाठी संघाबाहेर ठेवण्यात आले आहे. या तिघांना कोणतीही दुखापत झालेली नाही. पण तरीही त्यांना या मालिकेत संधी देण्यात आली नाही. या तिघांना राष्ट्रीय क्रिकेट अकादमीमध्ये पाठवण्यात आले आहे. पण या तिघांनाच का अकादमीमध्ये पाठवण्याचा निर्णय घेण्यात आला आहे, याची माहिती आता समोर आली आहे.

काही दिवसांपूर्वी आशिया चषक स्पर्धा खेळवण्यात आली. या स्पर्धेत या तिघांनाही खेळण्याची संधी देण्यात आली आहे. पण आता या तिघांना संघाबाहेर ठेवण्यात आले आहे. या स्पर्धेत खेळताना या तिघांबाबत काही गोष्टी भारतीय संघ व्यवस्थापनाला जाणवल्या आहेत. त्यामुळे विश्वचषक स्पर्धेत कोणतीही रीस्क नको, यासाठी त्यांना राष्ट्रीय क्रिकेट अकादमीमध्ये पाठवण्यात आले आहे.

हार्दिक, भुवी आणि अर्शदीप यांना फिटनेवर भर देण्यासाठी राष्ट्रीय क्रिकेट अकादमीमध्ये पाठवण्यात येणार आहे. फिटनेसवर बर कसा देता येईल किंवा फिटनेस अजून कसा वाढवता येईल, यावर भर देण्यात येणार आहे. कारण विश्वचषकात या तिघांना कोणतीही समस्या जाणवून नये आणि त्यांच्याकडून सातत्याने चांगली कामगिरी व्हावी, यासाठी त्यांना राष्ट्रीय क्रिकेट अकादमीमध्ये पाठवण्यात येणार असल्याचे आता समोर येत आहे. त्यामुळेच या तिघांना ऑस्ट्रेलिया आणि दक्षिण आफ्रिका यांच्यातील मालिकेमध्ये न खेळवण्याचा निर्णय घेण्यात आला आहे.

ऑस्ट्रेलियाविरुद्धच्या ट्वेन्टी-२० मालिकेसाठी भारतीय संघ: रोहित शर्मा (कर्णधार), केएल राहुल (उपकर्णधार), विराट कोहली, सूर्यकुमार यादव, दीपक हुडा, ऋषभ पंत (यष्टीरक्षक), दिनेश कार्तिक (यष्टीरक्षक), हार्दिक पंड्या, आर. अश्विन, युजवेंद्र चहल, अक्षर पटेल, भुवनेश्वर कुमार, मोहम्मद शमी, हर्षल पटेल, दीपक चहर, जसप्रीत बुमराह.

दक्षिण आफ्रिकेविरुद्धच्या ट्वेन्टी-२० मालिकेसाठी भारतीय संघ: रोहित शर्मा (कर्णधार), केएल राहुल (उपकर्णधार), विराट कोहली, सूर्यकुमार यादव, दीपक हुडा, ऋषभ पंत (यष्टीरक्षक), दिनेश कार्तिक (यष्टीरक्षक), आर. अश्विन, युजवेंद्र चहल, अक्षर पटेल, अर्शदीप सिंग, मोहम्मद शमी, हर्षल पटेल, दीपक चहर, जसप्रीत बुमराह.