नवा गडी नवं राज्य : गर्दीत हरवलेली आनंदी सापडली, राघव-चिंगीचं वागणं पाहून रमाला धक्का

मुंबई :नवा गडी नवं राज्य ही मालिका काही दिवसांपूर्वी सुरू झाली. पण यात तशा वेगवान घटना घडत जातात. चिंगीची इच्छा म्हणून घरात गणपती बाप्पाचं आगमन होतं. चिंगी आणि आनंदीमधलं अंतर हळूहळू मिटत चाललं आहे. गेल्या भागात कर्णिक कुटुंब लालबागच्या राजालाही भेट देतात.

तिथे एक घटना घडते. गर्दीत आनंदी हरवते. तिच्याकडे मोबाइलही नसतो. राघव कावराबावरा होतो. तो चिंगीला शेजाऱ्यांबरोबर घरी पाठवतो आणि आनंदीला शोधायला लागतो. आता येत्या भागाचा व्हिडिओ समोर आलाय. त्यात आनंदी सापडते. राघव आणि ती समोरासमोर येतात. आनंदी खूप घाबरली आहे. राघवलाही तिला पाहून एकदम हायसं वाटतं.

माझी तुझी रेशीमगाठ घेणार निरोप पण नव्या रुपात भेटणार ‘यश’; श्रेयस तळपदे या भूमिकेसाठी सज्ज

चिंगीलाही आता आनंदीचा लळा लागतोय. त्यामुळे ती हरवली म्हटल्यावर चिंगीही घाबरते. रडू लागते. आनंदी घरी आल्यावर चिंगी तिला येऊन घट्ट मिठी मारते. ते पाहून रमा हादरते. आनंदी आता आपली जागा घेणार, याची तिला जाणीव होऊ लागते.

मालिकेचं लेखन केलंय प्रल्हाद कुडतरकरनं. या भागाच्या शूटिंगचा अनुभव त्यानं सांगितला. तो म्हणाला, ‘लालबागच्या राजाचा विजय असो, ही घोषणा करत, ऐकत गिरणगावात बालपण गेलं. राजाचा आशीर्वाद कायम पाठीशी असायचा. तोच आताही आहे. त्यामुळेच लालबागच्या राजाच्या इथे मालिकेचं शूटिंग ही गोष्ट कुणालाही सांगितल्यावर अशक्य वाटली. अर्थातच भाविकांची राजाच्या दर्शनासाठी होणारी गर्दी,त्याची सगळ्यांना असणारी ओढ ह्यामुळे सगळ्यांना असं वाटून गेलं. पण लालबागच्या राजाच्या आशीर्वादाने झी मराठीवरील “नवा गडी नवं राज्य” ह्या मालिकेचं चित्रीकरण झालं.’

Video : गणपतीला अरुंधतीच्या घरी अनिरुद्ध धडकला, दिला अनाहुत सल्ला

पल्लवी पाटील आनंदीची भूमिका साकारतेय, तर अनिता दाते रमाची. माझ्या नवऱ्याची बायको मालिकेतली राधिका अनितानं साकारली होती. तिचा असा वेगळा चाहता वर्ग आहे.