कसं होतं महाराणी एलिथाबेथचं आयुष्य…? जाणून घ्यायचं असेल तर हे सिनेमे आणि सीरिज पाहाच

मुंबई: युनायटेड किंगडम अर्थात ब्रिटन या देशाची राणी एलिझाबेथ द्वितीय यांचं गुरुवार, ८ सप्टेंबर रोजी निधन झालं. राणीपदावर तब्बल ६९ वर्षे राहण्याचा विक्रम एलिझाबेथ यांच्या नावावर नोंदला गेलाय. ब्रिटिश साम्राज्याचं राजपद सर्वाधिक काळ भोगलेली व्यक्ती आता काळाच्या पडद्याआड गेली आहे. एलिझाबेथ यांनी २०१५ मध्येच वयाच्या ८९ व्या वर्षी ब्रिटनची सर्वांत प्रदीर्घ काळ राणी म्हणून हयात असलेली व्यक्ती हा विक्रम नोंदविली होता. त्यानंतर सात वर्षे त्या हयात होत्या. वयाच्या ९६व्या वर्षी त्यांनी बालमोराल येथील पॅलेसमध्ये अखेरचा श्वास घेतला.

राणी एलिझाबेथ यांचं आयुष्य नेहमीच चर्चेत होतं. त्यांच्या आयुष्यावर नेहमीच बोललं गेलं, लिहिलं गेलं. त्यांची लाइफस्टाइल असो किंवा त्यांचे नियम , या सर्वांची चर्चा झाली. त्यामुळं अनेक चित्रपट, नाटक, मालिका, सीरिजमधून राणी एलिझाबेथ यांचं आयुष्य प्रेक्षकांना पाहायला मिळालं.

द क्राउन
‘द क्राउन’ या सीरिजमध्ये राणी एलिझाबेथ यांच्या आयुष्याचे अनेक पैलू प्रेक्षकांना पाहायला मिळाले. त्यांच्या आयुष्यातील वेगवेगळे टप्पे दाखवण्यासाठी या सीरिजमध्ये तीन अभिनेत्रींची निवड करण्यात आली होती. एलिझाबेथ यांचं तरुणपण अभिनेत्री क्लेयर फॉय हिनं साकारलं होतं. तर त्यानंतरच्या मध्यम वयाची भूमिका अभिनेत्री ओलिविया कोलमॅन हिनं साकारली होती. तर राणीचं म्हातारपण अभिनेत्री इमेल्डा स्टॉन्टन हिनं साकारालं होतं. या सीरिजला एमी पुरस्कारानं देखील सन्मानित करण्यात आलंय. ही सीरिज नेटफ्लिक्सवर पाहता येईल.

द क्विन
या चित्रपटात हेलेन मिरेन राणीची भूमिका साकारली होती. हेलेन मिरेन यांनी या चित्रपटाचं दिग्दर्शन केलं होतं. या चित्रपटात प्रिन्सेस डायनाच्या मृत्यूचा प्रसंग दाखवण्यात आलाय. प्रिन्सेस डायनाच्या मृत्यूनंतर राजघराण्यात काय काय घडलं? हे सर्व पाहता येईल.

अ रॉयल नाइट आउट
एलिझाबेथ यांच्या आयुष्यावर आधारित या चित्रपटात सारा गडॉन हिनं मुख्य भूमिका साकराली होती. तर अभिनेत्री बेल पॉली हिनं प्रिन्सेस मार्गरेटची भूमिका साकारली होती. नियम आणि सूचना यांमध्ये अडकलेलं राजघराण्यातील बहिणींचं आयुष्य या चित्रपटात दाखवण्यात आलंय.

छोट्याशा कारणामुळे महाराणी एलिझाबेथने दिलेल्या निमंत्रणाला बिग बींनी दिलेला नकार, आता वाटतेय खंत
द रॉयल हाउस ऑफ विंडसर
पहिल्या महायुद्धानंतर या राजघराण्यात अनेक बदल झाले. हे बदल पाहण्यासाठी द रॉयल हाउस ऑफ विंडसर हा चित्रपट पाहता येईल. या चित्रपटात रिअर फुटेजचा वापर करण्यात आलाय. अनेक जणांच्या मुलाखीतही यात पाहता येतील. तसंच राणी एलिझाबेथ द्वितीय यांच्या आयुष्यातील बरेच किस्से यात पाहता येतील.