बिग बॉसमध्ये जाणार? हार्दिक जोशीच्या उत्तरानं प्रेक्षक पडले बुचकळ्यात

मुंबई: मराठी टीव्ही सृष्टीत सध्या सर्वात जास्त चर्चा आहे ती बिग बॉस मराठीच्या चौथ्या पर्वाची. गेल्या काही महिन्यांपासून हे पर्व कधी सुरू होणार ? याबद्दल चर्चा रंगताना दिसत होत्या. अखेर वाहिनीकडून आगामी चौथ्या पर्वाची अधिकृत घोषणा करण्यात आली. त्यानंतर चर्चा सुरू झाली ती स्पर्धकांची. या चौथ्या पर्वात कोणते सेलिब्रिटी पाहायला मिळणार याबद्दल सोशल मीडियार बोललं जात आहे.

बिग बॉसच्या संभाव्य स्पर्धकांमध्ये मराठी सिनेसृष्टीतील अनेक कलाकारांची नावं घेतली जात आहेत. यात प्राजक्ता गायकवाड, तेजश्री जाधव, शर्वरी लोहकरे यांच्या नावांची चर्चा आहे. पण सर्वात जास्त उत्सुकता एका नावाची आहे, ते नाव म्हणजे हार्दिक जोशी याचं.
कसं होतं महाराणी एलिथाबेथचं आयुष्य…? जाणून घ्यायचं असेल तर हे सिनेमे आणि सीरिज पाहाच
तुझ्यात जीव रंगला या मालिकेतून घराघरांत पोहोचलेला अभिनेता हार्दिक जोशी (Hardeek Joshi) हा बिग बॉसमध्ये येणार असल्याच्या चर्चांना उधाण आलं होतं. काही महिन्यांपूर्वीच त्याचा अभिनेत्री अक्षया देवधर हिच्यासोबत साखरपुडा झाला.त्यामुळं आता तो बिग बॉसच्या घरात दिसू शकतो, असा अंदाज नेटकऱ्यांनी लावला होता. पण आता चर्चेवर पहिल्यांदाच हार्दिकनं मौन सोडलं आहे. बिग बॉसमधील सहभागाबद्दल हार्दिकनं पहिल्यांदाच भाष्य केलंय.
बिग बॉस मराठीच्या चाहत्यांची निराशा, कार्यक्रमाच्या चौथ्या पर्वाला यामुळं होणार उशीर?
काय म्हणाला हार्दिक?
मी बिग बॉसमध्ये जाणार की नाही? याचा प्रेक्षकांनी अंदाज लावावा. शेवटपर्यंत त्याची उत्सुकता राहिली पाहिजे. याबद्दल मी आत्ताच काही सांगणार नाही, माझं नाव सतत चर्चेत असलं तरी सध्या तरी मला याबद्दल काहीच बोलायचं नाहीय, असं हार्दिकनं स्पष्ट केलं. तसंच तो आणि अक्षया लग्नाच्या तयारीला लागल्याचंही त्यानं सांगितलं. त्यामुळं प्रेक्षक पुन्हा प्रेक्षक बुचकळ्यात पडले आहेत.