म्हणून आनंदीनं बिजवराला दिला होकार, स्वीकारलं नवं राज्य!

मुंबई : झी मराठीवर नवा गडी नवं राज्य मालिका आजपासून सुरू होत आहे. या मालिकेचा प्रीमियरही नुकताच दणक्यात झाला. अनिता दाते, पल्लवी पाटील आणि कश्यप परुळेकर अशा कलाकारांमुळे चाहत्यांची उत्सुकता वाढलीय. त्यात आता पहिल्या एपिसोडमधले काही शाॅट्स व्हायरल झालेत.

अनिता दाते म्हणजेच रमा आता या जगात नाही. घरामध्ये तिच्या फोटोची मोठी फ्रेम आहे. घर सांभाळायला सून हवी म्हणून सासू आनंदीला पसंत करते. पण तिचा मुलगा म्हणतो, मी त्यांची फसवणूक करणार नाही. तो कोकणात जातो. तेही आपल्या मुलीला घेऊन. खरं काय ते सांगून टाकतो. तुम्ही नकार देऊ शकता म्हणून बाहेर पडतो.

‘विकृती थांबायला हवी’; रीलमध्ये डोळा मारल्याने ट्रोल करणाऱ्यांवर भडकल्या ऐश्वर्या नारकर

पुढे दशावतारात काम करताना आनंदीचे वडील कोसळतात, आजारी होता. या सगळ्या घटनेनंतर आनंदी या लग्नाला होकार देते. थोडी भावनिक, थोडी विनोदी अशी ही सुरुवात आहे. कारण आनंदीनं होकार दिल्यानंतर तिथे रमाला फोटोत अस्वस्थ वाटतं. ती फोटोबाहेर येऊ इच्छिते, असंही दाखवलंय.

अभिनेत्री पल्लवी पाटील हिनेही या मालिकेसाठी मालवणी भाषा शिकून घेतली. मालिकेतील आनंदी ही मालवणी दाखवण्यात आली आहे, त्यासाठी पल्लवीला मालवणी लहेजा, शब्द शिकणं गरजेचं होतं. मालिकेच्या निमित्ताने गप्पा मारताना पल्लवीने हा अनुभव सांगितला.

पल्लवी सांगते, मी मूळची खानदेशी आहे. खानदेशी भाषा मला चांगली येते. त्याशिवाय मी मराठीही बोलते, लिहिते. पण मालवणी भाषेतील बारकावे मला येत नव्हते. जेव्हा नवा गडी नवं राज्य या मालिकेची ऑफर आली तेव्हाच ही गोष्ट कळली की यासाठी मला मालवणी भाषा शिकावी लागणार.

सोनालीच्या दुसऱ्या लग्नाची पहिली गोष्ट, Trailer आला पण चर्चा मात्र…

ती पुढे म्हणाली, मालिकेतील कुटुंब हे मालवणी आहे, त्यामुळे मलाही मालिकेत मालवणी भाषा बोलावी लागणार होती. त्यासाठी मी ही भाषा कशी बोलली जाते, त्यातील नेहमीच्या वापरात असलेले शब्द कोणते याचे धडे घेतले. सेटवर काहीजण मालवणी आहेत त्यांच्याकडून माहिती घेतली. काही मालवणी मैत्रिणींशी बोलले. आता मला ही भाषा यायला लागली आहे. मालिका सुरू झाली की माझा मालवणीचा अभ्यास दिसेलच.