नवा गडी नवं राज्य : लग्नानंतर पहिल्यांदाच राघव आनंदीला ओरडला, नक्की काय घडलं?

मुंबई : झी मराठीवर नवा गडी नवं राज्य मालिका सुरू झालीय. सुरू झाल्या झाल्या मालिकेत वेगवान घटना घडत आहेत. आनंदी आणि राघवचं लग्न तर झालंय. त्यात आनंदीला रमा दिसतेय. तिचा रमाबरोबर संवादही सुरू आहे. पण ही नक्की कोण हे तिला अजून कळत नाहीय. आनंदी राघवच्या मुलीला आपलंस करण्याचा प्रयत्नही करतेय.

‘लाॅक अप’फेम मुनव्वर फारुकीचं ‘ख्वाब’ पाहिलंत का? सोशल मीडियावर गाण्याची एकच धूम

आता येणाऱ्या भागाचा एक व्हिडिओ व्हायरल झालाय. त्यात सत्यनारायणाची पूजा आहे. आनंदी चांगली साडी शोधण्यासाठी रमाचं कपाट उघडते. तिथे राघव येतो. रमाच्या कपड्यांना आनंदीनं हात लावला, म्हणून राघव तिला खूप ओरडतो. तो म्हणतो, मी तुला हवं ते आणून देईन. पण रमाच्या कपाटाला हात लावायचा नाही. तसं करण्याची तुझी हिंमतच कशी झाली?

दुसरीकडे आनंदीचे वडील तिचा निरोप घेत म्हणतात, तू प्रेम दे त्यांना. मग सगळं मागचं विसरून जातील. आता पुढे काय होणार याची उत्सुकता प्रेक्षकांना आहे. पल्लवी पाटीलनं आनंदीच्या भूमिकेसाठी मालवणी भाषा शिकून घेतलीय. ती एका मुलाखतीत म्हणाली होती, ‘मालिकेतील कुटुंब हे मालवणी आहे, त्यामुळे मलाही मालिकेत मालवणी भाषा बोलावी लागणार होती. त्यासाठी मी ही भाषा कशी बोलली जाते, त्यातील नेहमीच्या वापरात असलेले शब्द कोणते याचे धडे घेतले. सेटवर काहीजण मालवणी आहेत त्यांच्याकडून माहिती घेतली. काही मालवणी मैत्रिणींशी बोलले. आता मला ही भाषा यायला लागली आहे. मालिका सुरू झाली की माझा मालवणीचा अभ्यास दिसेलच.’

प्रियाला आला वेगळाच मूड, उमेश परदेशात जाताच लुटला आनंद

अनिता दाते रमाच्या भूमिकेत आहे. माझ्या नवऱ्याची बायको मालिकेतली तिची राधिका आजही लोकांच्या लक्षात आहे. याच लोकप्रियतेचा फायदा रमा व्यक्तिरेखेला नक्कीच होणार आहे.