महाराष्ट्राच्या इच्छा होत्या त्या सगळ्या पूर्ण झाल्या… ‘देवमाणूस’ किरण गायकवाडची पोस्ट चर्चेत

मुंबई: गेल्या काही दिवसांपासून देवमाणूस मालिका बंद होणार अशी चर्चा सुरू होती. अखेर आज या मालिकेचा शेवटचा भाग प्रेक्षकांच्या भेटीला येणार आहे. मालिकेनं टीआरपीचे अनेक रेकॉर्ड्स तोडले. इतकंच नाही तर प्रेक्षकांची प्रेमही मिळवलं.खरं तर मालिकेच्या कथानकावरून प्रेक्षकांमध्ये नाराजी होती. पण कलकारांवरच्या प्रेमामुळं ही मालिका बंद करू नका अशी मागणी प्रेक्षक करत होते. पण आता ही मालिका प्रेक्षकांचा निरोप घेणार आहे.

मालिका निरोप घेतेय म्हटल्यावर कलाकारांना देखील वाईट वाटतं. ते देखील भावुक होतात. देवमाणूस मालिकेतील मुख्य कलाकार अभिनेता किरण गायकवाड देखील मालिका संपणार असल्यानं भावुक झाला. त्यानं एक पोस्ट शेअर करत त्याच्या भावना शेअर केल्या आहेत.

काय आहे किरण गायकवाडची पोस्ट?

नमस्कार !
शेवटी ती वेळ आलीच ‘निरोपाची’ आज रात्री देवमाणूसचा शेवटचा भाग प्रसारित होणार आहे . उद्यापासून आमची टीम तुमचं मनोरंजन करायला तुमच्यासमोर नसेल . काल गणपती गेले जाताना आपल्या बरोबर देवीसिंग , फेक डॉक्टर , देवमाणूस अशी तोतया माणसं, नकारात्मक माणसं सोबत घेऊन गेले , खरंतर ती या आपल्या आजूबाजूला असतातच गोड बोलून आपल्याला त्यांच्या जाळ्यात ओढण्याचा प्रयत्न करत असतात अश्या बुरख्याआड लपलेल्या माणसाचा बुरखा समाजासमोर आणावा तो फाडावा असा आमचा मानस होता. अशी बोलघेवडी माणसं आपल्या आजूबाजूला असतील तर आपण वेळीच सावध होऊया . मालिका संपत असताना बर्‍याच प्रेक्षकांचे फोन , मेसेज येताएत की आम्हाला देवमाणसाचा खूप राग येतो त्याला आम्ही खूप शिव्या ही घालतो .पण ही मालिका बंद नका करू ; मालिका संपताना सुद्धा एवढा प्रेक्षकांच प्रेम पाहून भाराऊन जायला होतं .

डॉ. ला फाशी झाली , त्याची तोंडाला काळ फासून धिंड काढण्यात आली , त्याची किरडी ढासळली…या आणि ज्या महाराष्ट्राच्या इच्छा होत्या त्या सगळ्या पूर्ण झाल्या. असं म्हणत किरणनं अनेक गोष्टी लिहिल्या आहेत.
वाचा संपूर्ण पोस्ट

देवमाणूस ३ च्या चर्चा
मालिका संपणार असली तरी, या मालिकेच्या तिसऱ्या पर्वाबद्दलही सोशल मीडियावर चर्चा सुरू आहेत. पण किरणच्या या पोस्टवरून आता देवमाणूसचा तिसरा सीझन येणार नाही, हे स्पष्टच झालं आहे.