केआरकेची अटक सलमान खानच्या सांगण्यावरून? अभिनेत्याच्या ट्वीटवरून लोकांनी विचारले प्रश्न

मुंबई- जेव्हापासून कमाल आर खान म्हणजेच केआरके तुरुंगातून परतला आहे, तेव्हापासून त्याचा मूड काहीसा बदलेला आहे. आधी तो सोशल मीडियावर बॉलिवूड स्टार्सविरोधात अनेक गोष्टी बोलायचा, आता तो परस्पर उलटं वागताना दिसत आहे. केआरके खूपच मवाळ झाला आहे. केआरके तुरुंगातून बाहेर आल्यापासून तो कोणाच्याही विरोधात बोलताना दिसला नाही.

गौरीनं शेअर केला आर्यनचा Photo, शाहरुख म्हणाला- माझ्यावर गेलाय

एवढंच नाही नुकत्याच केलेल्या ट्वीटमध्ये त्याने असेही म्हटले की अभिनेत्यापेक्षा राजकारणी होणं अधिक सुरक्षित असल्याने, तो लवकरच एका राजकीय पक्षात सहभागी होणार आहे. आता केआरके खरोखरच राजकारणात येणार की नाही, हा नंतरचा प्रश्न आहे. पण केआरकेला अटक झाल्यापासून एक प्रश्न उपस्थित होत आहे की त्याला अटक कोणी केली? याचं उत्तर खुद्द केआरकेने दिलं आहे.

कमाल आर खानने (केआरके) सोशल मीडियावर जे लिहिले त्यावरून तो सलमानकडे बोट दाखवत असल्याचे दिसते. केआरके काही आठवड्यांपूर्वी दोन वेगवेगळ्या प्रकरणात अडकला होता. विनयभंग आणि वादग्रस्त ट्वीट प्रकरणी त्याला अटक करण्यात आली होती. २०२१ मध्ये KRK वर एका महिलेने विनयभंगाचा आरोप केला होता, तर KRK ने २०२१ मध्ये अक्षय कुमार आणि राम गोपाल वर्मा यांच्याबद्दल वादग्रस्त ट्वीट केले होते. या दोन्ही प्रकरणात केआरकेला १० दिवस तुरुंगात राहावे लागले होते. आणखी एका ट्वीटमध्ये केआरकेने तुरुंगात १० किलो वजन कमी झाल्याचं सांगितलं होतं.

केआरके तुरुंगात गेल्यावर करणने ‘ब्रह्मास्त्र’चा नकारात्मक रिव्ह्यू देऊ नये म्हणून केआरकेला जाणूनबुजून अटक केल्याच्या बातम्या आल्या होत्या. यामध्ये अक्षय कुमारच्या नावाचीही चर्चा होती. पण केआरकेने आता सर्वकाही स्पष्ट केलं. स्वयंघोषीत समीक्षकांने ट्वीट करत लिहिले की, ‘अनेक लोक म्हणत आहेत की माझ्या अटकेमागे करण जोहरचा हात आहे. पण हे खरे नाही. करण जोहर, शाहरुख, आमिर खान, अजय देवगण आणि अक्षय कुमार यांचा माझ्या अटकेशी काहीही संबंध नाही.’

आणखी एका बॉलिवूड सिनेमात हिंदू देवतेचा अपमान? अजय-सिद्धार्थ अडचणीत

केआरकेच्या ट्वीटवर नेटकऱ्यांचे प्रश्न

केआरकेने ट्वीटमध्ये जवळपास प्रत्येक मोठ्या स्टारच्या नावाचा उल्लेख केला आहे, मात्र कुठेही सलमान खानचे नाव घेतले नाही. यामुळे केआरकेच्या अटकेमागे सलमानचा हात आहे का? याबाबत नेटकऱ्यांनी केआरकेला प्रश्नही विचारले. एकाने लिहिले – यामागे सल्लू दादा आहे का? आणखी एका युझरची कमेंट होती की, सलमानचे नाव नाही आले. सलमानला काय म्हणायचे होते? आता चांगले व्हा आणि प्रेम पसरवा.’