Engineers Day 2022: विश्र्वेश्वरय्या यांचं इंजिनीअरिंगमधील योगदान

Happy Engineers Day 2022: भारताचे महान इंजिनीअर आणि भारतरत्न मोक्षगुंडम विश्र्वेश्वरय्या यांचा जन्मदिन १५ सप्टेंबर हा अभियंता दिन म्हणजेच इंजिनीअर्स डे म्हणून साजरा केला जातो. विश्र्वेश्वरय्या यांचं इंजिनीअरिंगमधील योगदान आणि या दिवसाचं महत्त्व जाणून घेऊया….

एम. व्ही. विश्र्वेश्वरय्या यांचा जन्म १५ सप्टेंबर १८६१ रोजी कर्नाटकातील चिक्कबल्लापूर येथील एका तेलुगू कुटुंबात झाला. त्यांचे आई-वडील संस्कृत पंडित होते. विश्र्वेश्वरय्या यांनी त्यांचे प्राथमिक शिक्षण गावात घेतले आणि नंतर ते बंगळुरू येथे उच्च शिक्षणासाठी गेले. कला शाखेतून पदवीपर्यंतचं शिक्षण घेतल्यानंतर त्यांनी ट्रॅक बदलला आणि ते सिव्हिल इंजिनीअरिंग करण्यासाठी पुण्याला गेले. तेथे कॉलेज ऑफ इंजिनीअरिंगमधून त्यांनी सिव्हील इंजिनीअरिंग केले.

नदीवरचे बंधारे, पूल, पिण्याच्या पाण्याच्या योजना आदी यशस्वीरित्या तयार करण्यासाठी विश्र्वेश्वरय्या यांनी मोलाचे योगदान दिले. त्या काळात कृष्णराज सागर बंधारा, भद्रावती आयर्न अँड स्टील वर्क्स, मैसूर सँडल ऑइल आणि सोप फॅक्टरी, मैसूर विद्यापीठ, बँक ऑफ मैसूरची निर्मिती विश्र्वेश्वरय्या यांनी केली. बंगळुरूमध्ये १९१७ साली त्यांनी शासकीय इंजिनीअरिंग कॉलेजची स्थापना केली. या संस्थेला नंतर त्यांचं नाव देण्यात आलं. ते केवळ इंजिनीअरच नव्हे तर मैसूरचे १९ वे दिवाणही होते.

एकाचवेळी दोन नोकऱ्या करणाऱ्या कर्मचाऱ्यांवर होणार कारवाई, जाणून घ्या तपशील
टीम इंडियाचा कॅप्टन रोहित शर्मा कितवी शिकलाय माहितेय का? ऐकून तुम्हालाही वाटेल आश्चर्य
ओळख इंजिनीअरिंग शाखांची

केमिकल की इलेक्ट्रीकल? इंजिनीअरिंगविषयी जाणू काही…

शिक्षक दिन विशेष: डॉ. सर्वपल्ली राधाकृष्णन; शिक्षक ते नेता

महाराष्ट्र सरकारनेही त्यांना नाशिकमध्ये सहाय्यक इंजिनीअर पदावर नियुक्त केले होते. नदीच्या पाण्याला बांध घालण्यासाठी स्टीलच्या विशिष्ट दरवाजांचा शोध त्यांनी लावला. ही १९०३ सालातली ब्लॉक सिस्टिम आजही जगभरात वापरात आणली जाते. १९५५ मध्ये त्यांना भारतरत्न पुरस्काराने सन्मानित करण्यात आले. १०१ वर्षांच्या प्रदीर्घ आयुष्यानंतर १४ एप्रिल १९६२ साली त्यांचं निधन झालं. त्यांची जयंती देशात इंजिनीअर डे म्हणून साजरी केली जाते.

MPSC देणाऱ्या विद्यार्थ्यांसाठी महत्वाची अपडेट, प्राधान्य क्रमवारीचे बदललेले निकष जाणून घ्या