गरोदरपणात स्कूटी चालवण्याची आवड पडू शकते भारी, डॉक्टर काय म्हणतात?

​गरोदरपणात स्कूटी चालवणे योग्य आहे का?

डॉक्टर गरोदरपणात दुचाकी चालवण्याचा सल्ला देत नाहीत. तुम्हाला तरी देखील गाडी चालवायची असेल तर एकदा त्याबद्दल तुमच्या डॉक्टरांशी बोला. तुमचे डॉक्टर तुम्हाला पहिल्या त्रैमासिकात स्कूटर चालवण्याची परवानगी देऊ शकतात. परंतु बेबी बंप दिसू लागल्यावर स्कूटी चालवणे धोक्याचे असते. त्यामुळे तुम्ही ते आवर्जुन टाळा.

टू व्हीलर चालवणे किंवा त्यावर बसण्याचा सल्ला प्रेग्नेंट महिलांना दिला जात नाही. कारण यामुळे धोका वाढू शकते. हा धोका गर्भवती स्त्री आणि गर्भातील बाळांना असतो.

(वाचा – Queen Elizabeth as a mother : जगासाठी महाराणी असलेल्या एलिझाबेथ यांनी कसं जपलं ‘आई’पण…)

​काय आहे डॉक्टरांचा सल्ला

मदर्स लॅप आयव्हीएफ सेंटरच्या वैद्यकीय संचालक आणि आयव्हीएफ तज्ज्ञ शोभा गुप्ता सांगतात की, गरोदरपणाच्या सुरुवातीला रस्त्यावरील खड्डे किंवा हादरे यामुळे गर्भपात होण्याची भीती असते. दुसरीकडे अपघात झाला तरी न जन्मलेल्या बाळाला इजा होऊ शकते. तुम्हाला तुमच्या गरोदरपणात काही कॉम्पिलेक्शन असतील किंवा तुम्हाला रक्तस्त्राव, थकवा जाणवत असेल तर दुचाकी चालवणे टाळा.

(वाचा – गरोदरपणात नाही होणार तुम्ही लठ्ठ, मुंबईचे डॉ अनू यांनी ‘या’ पदार्थांपासून दूर राहण्याचा दिला सल्ला)

​गरोदरपणाच्या सुरूवातीला काय काळजी घ्याल

गरोदरपणाच्या सुरुवातीस, मळमळ, थकवा आणि चक्कर येण्याची समस्या असते. ज्यामुळे तुम्हाला गाडी चालवताना देखील याचा त्रास होऊ शकतो. दुचाकीचा समतोल साधण्यासाठी शारीरिक श्रम करावे लागतात आणि थोडे अंतर चालवूनही थकवा येतो. अशावेळी तुम्ही स्कूटी न चालवणे हाच योग्य पर्याय असू शकतो.

(वाचा – मृणाल दुसानिसची मुलगी इतकी गोड, लेकीचं नाव ठेवलं खास.. दोन अक्षरी नावांसाठी उत्तम पर्याय)

​जेव्हा बेबी बंप दिसतात

जेव्हा बेबी बंप दिसू लागल्यावर गुरुत्वाकर्षणाचे केंद्र बदलते आणि प्रसूतीसाठी तुमचे सांधे देखील शिथिल होऊ लागतात. या गोष्टींमुळे तुम्हाला स्कूटरचा समतोल राखण्यात आणि नियंत्रित करण्यात अधिक अडचणी येऊ शकतात.

दुसरीकडे, बेबी बंप मोठे असेल तर दुचाकीवर बसणे अधिक धोकादायक असू शकते कारण त्यात पडण्याची शक्यता जास्त असते.

(वाचा – अपयशही मुलांसाठी महत्वाचं, फेल्युअरमधून ‘या’ गोष्टी शिकतात मुलं, पालकांची मोठी चिंता मिटते))

​अशावेळी काय कराल

गरोदरपणात कमी अंतरावर जाण्यासाठी कार ही सर्वोत्तम असल्याचे डॉक्टरांचे म्हणणे आहे. मोठ्या मुलाला शाळा सोडावी लागली किंवा स्वतः ऑफिसला जावं लागलं तरी कार खूप उपयुक्त ठरू शकते. तसेच सार्वजनिक वाहतूक वापरा. जेथे शक्य असेल तेथे होम डिलिव्हरीचा पर्याय स्वीकारा. बाहेर जाणे टाळून घरीच सगळ्या गोष्टी मागवून घ्या.

(वाचा -गरोदर महिलांनी बसने प्रवास करावा का? डॉक्टरांनी सांगितलं महिला कधीपर्यंत आणि कसा करू शकते प्रवास)