शालेय विद्यार्थ्यांसाठी मोफत नाश्ता योजना, ‘या’ मुख्यमंत्र्यांकडून मोठी घोषणा

Free Breakfast Scheme: तामिळनाडू सरकारने राज्यातील विद्यार्थ्यांना एक अद्भुत भेट दिली आहे. राज्याचे मुख्यमंत्री एमके स्टॅलिन यांनी डिएमके पक्षाचे संस्थापक आणि तामिळनाडूचे माजी मुख्यमंत्री अण्णा दुराई यांना त्यांच्या जयंतीनिमित्त श्रद्धांजली वाहिली आणि राज्यातील शालेय विद्यार्थ्यांसाठी मोफत नाश्ता योजना (free breakfast scheme) सुरू केली. ही योजना सुरू केल्याचा अभिमान असल्याचे त्यांनी यावेळी सांगितले.

फ्री ब्रेकफास्ट योजनेंतर्गत सरकारी शाळांमधील इयत्ता पहिली ते पाचवीच्या मुलांना त्यांच्या शाळेत दररोज सकाळी पौष्टिक नाश्ता दिला जाईल. अधिकाधिक मुलांना शाळेत जाण्यासाठी प्रोत्साहित करणे आणि प्राथमिक स्तरावर गळती रोखण्यास मदत करणे हा या योजनेचा उद्देश आहे.

मदुराई जिल्हा मुख्य शिक्षण अधिकारी (CEO) के कार्तिका यांनी सांगितले की, पायलट प्रोजेक्ट म्हणून, मदुराईच्या २६ पालिकेच्या शाळांमध्ये नाश्ता योजना लागू केली जाईल आणि एकूण ४,३८८ विद्यार्थ्यांना समाविष्ट केले जाईल.

MPSC देणाऱ्या विद्यार्थ्यांसाठी महत्वाची अपडेट, प्राधान्य क्रमवारीचे बदललेले निकष जाणून घ्या
यासाठी तीन केंद्रीय स्वयंपाकघरे तयार ठेवण्यात आली आहेत जिथे प्रशिक्षित आचाऱ्यांद्वारे भोजन तयार केले जाईल. या तीन स्वयंपाकघरातून अन्न पाच मार्गांनी नेले जाईल आणि ज्या शाळांमध्ये ही योजना राबवली जात आहे त्या सर्व शाळांमधील विद्यार्थ्यांना ते वितरित केले जाईल.

एकाचवेळी दोन नोकऱ्या करणाऱ्या कर्मचाऱ्यांवर होणार कारवाई, जाणून घ्या तपशील

दररोज सकाळी ८.१५ वाजेपर्यंत विद्यार्थ्यांना नाश्ता पुरविला जाईल. मुख्य कार्यकारी अधिकारी यांनी पुढे सांगितले की, शाळांमध्ये विद्यार्थ्यांची काळजी घेणासाठी प्रत्येक १०० विद्यार्थ्यांमागे एका स्वयंसेवक आहे. याआधी अनेक स्वयंसेवकाची ‘इलम थेडी कालवी’ स्वयंसेवक म्हणून निवड करण्यात आली आहे. त्यांना मोफत नाश्ता वितरीत करण्याची जबाबदारी दिली जाईल.

‘फुकट रेवडी नाही, हे सरकारचे कर्तव्य आहे’
मुख्यमंत्री एमके स्टॅलिन यांनी यावेळी सांगितले की, योजनेच्या पहिल्या टप्प्यात १.१६ लाख विद्यार्थ्यांना मोफत नाश्ता दिला जाईल. या योजनेचा आणखी विस्तार केला जाईल, अशी ग्वाही मी सर्वांना देत असल्याचे ते म्हणाले. ते म्हणाले की, या योजनेचा मोफत रेवाडी असा विचार करू नये. हे सरकारचे कर्तव्य आहे.

आपल्या स्वतःच्या मुलांसारखे खायला द्या
सीएम एमके स्टॅलिन म्हणाले की, कोणत्याही गरीब आणि वंचित विद्यार्थ्याने अन्नाच्या गरजेसाठी शाळा सोडू नये. या सरकारवर कितीही आर्थिक संकट आले तरी ही योजना थांबवता कामा नये. मी सर्व सरकारी अधिकाऱ्यांना आवाहन करतो की तुम्ही तुमच्या मुलांना जसे खायला घालावे तसे ही योजना राबवा असेही ते यावेळी म्हणाले.

Teachers Recruitment: शिक्षकांच्या ५० टक्के जागा भरणार, शिक्षणमंत्र्यांचे आश्वासन