महेश भट्ट फोनवर काय बोलले की विद्या बालन रडलीच, अभिनेत्रीचं रडणं थांबवणं झालेलं कठीण

मुंबई- विद्या बालन हिने तिच्या वेगळ्या आणि मोजक्या भूमिकांनी बॉलिवूडमध्ये खास स्थान मिळवलं आहे. डर्टी पिक्चर सिनेमात साकारलेली सिल्क स्मिताची भूमिका गाजली. तिच्या नावावर अनेक हिट सिनेमे आहेत. पण काही सिनेमांच्या बाबतीत फ्लॉपचा शिक्काही बसला. सिनेमातील यश- अपयश सुरूच असतं हे माहिती असलेली विद्या बालन नेहमीच तिच्या वैयक्तिक आयुष्यात एकदम आनंदी राहत असते.

‘माझा होशील ना’चा लाडका आदित्य आता दिग्दर्शनात, सोनाली कुलकर्णीसोबत

सध्या ती सोशल मीडियावर मजेशीर व्हिडिओ बनवत असते आणि तिच्या या व्हिडिओंना नेटकऱ्यांकडूनही पसंती मिळत आहे. पण एक वेळ अशीही तिच्या आयुष्यात आली होती की निर्माते दिग्दर्शक महेश भट्ट यांच्याशी तिचं फोनवर बोलणं झालं आणि तिला रडू कोसळलं. भट्ट साहेब असं काय बोलले की विद्याला रडू कोसळलं असा प्रश्न तिच्या चाहत्यांना पडला होता. विद्याला शांत करण्यासाठी पती सिद्धार्थ रॉय कपूरच्या नाकीनऊ आले होते. आता विद्यानेच एका मुलाखतीत हा किस्सा सांगितला.

खरंतर वयाच्या तिशीनंतर अभिनयात करिअर सुरू करूनही विद्या बालनने मिळवलेलं यश कौतुकास्पद आहे. परिणिता या सिनेमातून तिने अभिनयाची सुरूवात केली. त्यापूर्वी ती काही जाहिरातींमध्ये दिसली होती. विद्याच्या नावावर अनेक हिट सिनेमे आहे तसे काही सिनेमांच्या बाबतीत यश तिच्यापासून लांब गेलं. पण या यशा अपयशाचा फारसा विचार न करता आयुष्य आनंदाने जगावं हा तिचा मंत्र आहे. कुठेही असो, चेहऱ्यावर एकदम फ्रेश मूड ठेवून विद्या वावरत असते. पण विद्याला एकदा महेश भट्ट यांनी असं काही रडवलं की विचारता सोय नाही.

वरुण धवनला दीपिका, कतरिनाबरोबर कधीच करायचं नाही काम

परिणीता या सिनेमाच्या यशानंतर लगे रहो मुन्नाभाई, डर्टी पिच्चर, भूल भुलैय्या, हे बेबी, किस्मत कनेक्शन, पा, नो वन किल्ड जेसिका या सुपरहिट सिनेमातील विद्याच्या अभिनयाचं कौतुक झालं. डर्टी पिच्चर या सिनेमासाठी तर विद्याला राष्ट्रीय पुरस्काराने गौरवण्यात आलं. विद्याच्या सिनेमांची निवड तिच्या चाहत्यांना नेहमीच आवडते. विद्या प्रत्यक्ष आयुष्यात अतिशय साधी आहे, तिच्या भूमिकाही तशाच सोज्वळ असतात, पण डर्टी पिच्चरमधील सिल्कस्मिताची भूमिका करताना तिने खूपच मेहनत घेतली होती.

विद्याच्या आयुष्यातील एक सिनेमा असा आहे त्या सिनेमामुळेच विद्याच्या डोळ्यात पाणी आलं. इम्रान हाश्मी आणि विद्या बालन यांचा हमारी अधुरी कहानी हा सिनेमा पडद्यावर आला होता. महेश भट्ट यांचा हा सिनेमा चांगली कथा असूनही बॉक्स ऑफीसवर यश मिळवू शकला नाही. खरंतर विद्याचा हा खूप आवडता सिनेमा आहे. याच सिनेमाच्या निमित्ताने महेश भट्ट आणि विद्या फोनवर बोलत असताना अशी एक गोष्ट घडली की विद्याला काही केल्या रडू आवरेना.

जुबीनची आई डिप्रेशनमध्ये, गायकाला बसला ट्रोलिंगचा फटका

फोनवर बोलता असताना, महेश भट्ट म्हणाले की, ‘विद्या मला माफ कर, ‘हमारी अधुरी कहानी’ सिनेमासाठी तू खूप मेहनत घेतली होतीस, पण हा सिनेमा चालला नाही.’ विद्या सांगते, ‘महेश भट्ट यांचे ते शब्द ऐकून मला खूपच रडू आलं. मी कितीही ठरवलं तरी माझं रडू थांबत नव्हतं. अखेर मला शांत करण्यासाठी पती सिद्धार्थ रॉय कपूर मला साईबाबांच्या मंदिरात घेऊन गेला. बाहेर खूप पाऊस कोसळत होता आणि मी गाडीत बसून हमसून हमसून रडत होते. तो क्षण मी कधीच विसरू शकत नाही.’

विद्या म्हणाली, ‘मला माहrत आहे की असं रडणं चुकीचं आहे, सिनेमा फ्लॉप होणं यात कुणाची चूक नसते. पण महेश भट्ट यांनी माफी मागितल्याने मला कसंतरी वाटलं आणि मला रडू आलं. अनुभवातून शिकायचं असतं हे मला त्यावेळी जाणवलं.’ विद्या बालन लवकरच ‘नीयत’ सिनेमात दिसणार आहे. या सिनेमाचं शूटिंग सुरू झालं आहे. तर यापूर्वी ‘जलसा’ या सिनेमात ती पत्रकाराच्या भूमिकेत दिसली होती.