मुंबई इंडियन्समध्ये झाला मोठा बदल, आता झहीर खानवर नवी जबाबदारी तर महेला जयवर्धने…

मुंबई: आयपीएलमधील (IPL) सर्वाधिक जेतेपद पटकावणारा संघ म्हणजे ‘मुंबई इंडियन्स’. रोहित शर्माच्या नेतृत्त्वाखाली पाच वेळा विजेतेपद या संघाने मिळवले आहे. हा संघ भारतातील प्रसिद्ध रिलायन्स समूहाच्या मालकीचा आहे. गेल्या काही दिवसांपूर्वी संघाने आपला विस्तार वाढवत मुंबई इंडियन्स संघाच्या फ्रँचायझीने दक्षिण आफ्रिका आणि संयुक्त अरब अमिराती लीगमध्ये संघ विकत घेतले.

युएईच्या आंतरराष्ट्रीय ट्वेन्टी-२० लीग (UAE International 20-20 League) आणि दक्षिण आफ्रिका ट्वेन्टी-२० लीगमधील ( South Africa International 20-20 League) त्यांच्या दोन नवीन फ्रँचायझींची नावे जाहीर केली. युएईच्या लीगसाठी फ्रँचायझीचे नाव ‘MI Emirates’ असेल, तर दक्षिण आफ्रिका लीगमध्ये ‘MI cape town’ अशी नावे असतील.

क्रिकेट नाही तर ‘या’ खेळात सूर्याला करायचं होतं करिअर, आता आहे टीम इंडियाचा हुकुमी

MI #OneFamily च्या विस्तारामुळे, आता मुंबई इंडियन्ससोबत MI Emirates आणि MI cape town यां संघांचा देखील फ्रँचायझीमध्ये समावेश झाला आहे. नैतिकता, मूल्ये आणि शिक्षण यामुळेच मुंबई इंडियन्स हा जगभरातील सर्वात प्रिय क्रिकेट ब्रँड ठरला आहे, यापुढे ही मुंबई इंडियन्स ‘वन फॅमिली ऑफ टीम्स’ मध्ये, नैतिकता, मूल्ये आणि शिक्षण यावर सातत्य ठेवेल. या संरचनेच्या उभारणीचा एक भाग म्हणून मुंबई इंडियन्समधील दोन दिग्गज या फॅमिलीचे सखोल ज्ञान आहेत; असे महेला जयवर्धने (Mahela Jayavardane) आणि झहीर खान (Zaheer Khan)यांना नवीन भूमिका दिल्या आहेत.

महेला जयवर्धने यांची ग्लोबल हेड ऑफ परफॉर्मन्स (Global Head Of Performance, MI) म्हणून नियुक्ती करण्यात आली आहे. तसेच प्रत्येक संघाच्या प्रशिक्षणाची जबाबदारी यासह क्रिकेट ऑपरेशन्सचे नेतृत्व देण्यात आले आहे. सपोर्ट स्ट्रक्चर्स, संघाच्या मुख्य प्रशिक्षकांसोबत जवळून काम करणे, समन्वय सुनिश्चित करणे, क्रिकेटचा एक सातत्यपूर्ण ब्रँड आणि मुंबई इंडियन्सने सेट केलेल्या सर्वोत्तम पद्धतींची अंमलबजावणी करणे, अशी एकंदरीत भूमिका महेला जयवर्धनेची असेल.

आता विराट कोहलीचा खास मित्र होणार ऑस्ट्रेलियाचा कर्णधार? ही नावं चर्चेत

झहीर खानची ग्लोबल हेड ऑफ क्रिकेट डेव्हलपमेंट (Global Head Of Cricket Development) म्हणून नियुक्ती करण्यात आली आहे. भौगोलिक परिसरातील खेळाडूंचा विकास, ग्रूमिंग याबाबत सेशन घेणे, यूएई आणि केपटाऊनमधील भौगोलिक परिस्थिती समजून घेत तेथील खेळाडूंची सेशन ठरवणे, हे महत्त्वाचे काम झहीर करेल. तसेच मुंबई इंडियन्सच्या सर्व संघांना मदत करण्यात महत्त्वाची भूमिका झहीर बजावेल.

“आमच्या जागतिक कोअर टीमचा भाग म्हणून महेला आणि झहीर असल्याने मला आनंद आहे. दोघेही या कुटुंबाचा अविभाज्य भाग आहेत. मला विश्वास आहे की ते जागतिक स्तरावर आमच्या सर्व संघांद्वारे समान प्रवाह सुनिश्चित करण्यात सक्षम होतील आणि जगभरातील क्रिकेट इकोसिस्टममध्ये बदल घडवून आणतील,” असे रिलायन्स जिओ इन्फोकॉमचे (Reliance Jio Infocomm) अध्यक्ष आकाश अंबानी म्हणाले.

Jasprit Bumrah: भारतीय संघात दोन ‘बुमराह’ दिसणार, वर्ल्डकपमध्ये फलंदाजांविरुद्ध

जयवर्धने म्हणाले की एमआयच्या जागतिक क्रिकेट ऑपरेशन्सचे नेतृत्व करणे ही माझ्यासाठी सन्मानाची गोष्ट असेल. नीता अंबानी (Nita Ambani) आणि आकाश अंबानी (Akash Ambani) यांच्या नेतृत्वामुळे आणि मार्गदर्शनामुळे मुंबई इंडियन्स जागतिक स्तरावर सर्वात महत्त्वाची क्रिकेट फ्रँचायझी बनली आहे आणि संघाची जागतिक स्तरावर वाढ होत असल्याचे पाहून मला खूप आनंद झाला आहे. क्रिकेटचा एक मजबूत एकसंध जागतिक ब्रँड तयार करण्यासाठी मी या नवीन जबाबदारीकडे पाहत आहे” असे जयवर्धने निवेदनात म्हणाला.

अफेअर, घटस्फोट अन् सेक्स स्कॅंडल; मैदानाबाहेर रंगेल आयुष्य जगला शेन वॉर्न

“मी ही नवीन भूमिका स्वीकारण्यास तयार आहे आणि माझ्यावरील विश्वासाबद्दल श्रीमती नीता अंबानी आणि आकाश यांचे आभार मानतो. एक खेळाडू आणि कोचिंग टीम सदस्य म्हणूनमुंबई इंडियन्स माझ्यासाठी घर आहे, आणि आता आम्ही नवीन प्रवास सुरू करत असताना, कुटुंबात सामील होऊ पाहणार्‍या नवीन क्षमतांचा शोध घेण्यासाठी मी जागतिक नेटवर्कमधील सर्व भागधारकांसोबत जवळून काम करण्यास उत्सुक आहे,” असे झहीर खान म्हणाला.