ब्रह्मास्त्रवर विवेक अग्निहोत्रींचं टीकास्त्र! म्हणाले-बॉलिवूडमध्ये सर्वकाही बनावट; थिएटर्सचे मोठे नुकसान

मुंबई: ‘ब्रह्मास्त्र’ सिनेमा रिलीज होण्यापूर्वी बायकॉट ट्रेंडच्या विळख्यात अडकला. रणबीर कपूर आणि आलिया भट्ट यांनी केलेल्या काही वादग्रस्त विधानांमुळे त्याचा सिनेमा बायकॉट करण्याची मागणी सोशल मीडियावर (Boycott Brahmastra Trend on Social Media) जोर धरत होती. प्रमोशन दौऱ्यातही त्यांना विरोधाचा सामना करावा लागला. आता ब्रह्मास्त्र सिनेमा रिलीज होताच पहिल्याच दिवशी बॉक्स ऑफिसवर दणक्यात कमाई केल्याने ब्रह्मास्त्र चर्चेत आला आहे.

आता मात्र या सिनेमाच्या टीमला एका नव्या वादाचा सामना करावा लागत आहे. बॉलिवूडमधलेच काही कलाकार या सिनेमाच्या बजेट आणि आर्थिक कमाईचं गणित मांडून तोट्यात गेल्याचं सांगत आहेत. कंगना रणौत नंतर आता काश्मीर फाइल्स फेम दिग्दर्शक विवेक अग्निहोत्री यानेही ब्रह्मास्त्र विरोधात टिकास्त्र सोडायला सुरूवात केली आहे.

हे वाचा-टास्क, राडा अन् भांडणांची तारीख ठरली! वाचा कधीपासून सुरू होतंय बिग बॉस मराठी ४

ब्रह्मास्त्र सिनेमाने पहिल्या दिवशी जगभरात ७५ कोटींचा गल्ला जमवल्याची बातमी समोर आली. दरम्यान काही रिव्ह्यूजमध्ये असं सांगण्यात आलं आहे की थिएटर्सना ८०० कोटी रूपयांचा फटका बसला आहे. यावरूनच विवेक अग्निहोत्री यांनी प्रतिक्रिया दिली आहे. त्यांनी अशी टीका केली आहे की, बॉलिवूडमध्ये गेल्या काही दिवसात बनावट सिनेमे बनवले जात आहेत, यामध्ये त्यांन ब्रह्मास्त्रचंही नाव घेतलं.

हे वाचा-ब्रह्मास्त्र पाहताना तुमच्याही नजरेतून सुटली असेल ही गोष्ट, दीपिका आहे रणबीरची आई?

विवेक यांनी त्यांच्या ट्विटर हँडलवरून पोस्ट केली आहे,. यामध्ये त्यानं असं म्हटलं आहे की, सध्या बॉलिवूडमध्ये नकली सादर केलं जात आहे. याविषयी कोणीही काहीही बोलत नाही. फिल्मइंडस्ट्री टिकवून ठेवण्यासाठी अशा नकली गोष्टी चालणार नाहीत. केवळ पैसा बरबाद करणारे सिनेमे बनवले जात आहेत. ब्रह्मास्त्र सिनेमाही त्याच पंक्तीतला आहे. यावर फक्त पैसा खर्च केला आहे आणि ८०० कोटी नुकसान झालं आहे.

दिग्दर्शक अयान मुखर्जीला विवेक यांनी ट्रोल केलं आहे. अयानला या सिनेमाच्या नावाचा अर्थही माहिती नाही. ज्या अस्त्रावर त्यांनी या सिनेमात काम केलं आहे त्याची नीट माहितीही त्याला नाही. ‘वेक अप सिड’ हा त्याचा सिनेमा मला आवडला होता. तसा सिनेमा त्याला बनवता आलेला नाही. जशी एका आईला मुलांची काळजी वाटते तशी मला त्याची काळजी वाटत असल्याचंही विवेकनं म्हटलं आहे.