MajhiNews Marathi News, Latest Marathi News, Marathi News Paper, Maharashtra Breaking News | मराठी ताज्या बातम्या
गेल्या काही काळापासून बॉलिवूडचे चित्रपट म्हणावे असे चालत नाहीत. त्यामुळे आता बॉलिवूड संपलंय किंवा बॉलिवूडला नवं काहीतरी करण्याची गरज आहे का? याविषयी कार्तिक CNN News18 च्या TOWN HALL च्या कार्यक्रमात बोलला. कार्तिक म्हणाला, मला वाटतंय चांगले चित्रपट चालतायेत. असं नाहीये की तुम्हाला वाटलं हा चित्रपट चालू शकत होत पण तो चालला नाही, असं काही नाहीये. ऑडियन्स स्मार्ट झालीये. त्यांना चांगलं मनोरंजन पाहिजे. ते त्याच्यासाठी पैसै भरतात, ते थिएटरमध्ये जातात. त्यांना तो 2-3 तासाचा वेळ एन्जॉय करायचा असतो. ते त्यांच्या आवडत्या लोकांसोबत जात असतात. त्यामुळे आपलं पण हे काम आहे की आपण तेवढाच चांगला चित्रपट त्यांना देऊ. तेवढाच चांगला कन्टेंट त्यांना देऊ. त्यामुळे जो चांगला कन्टेंट देईन ते चित्रपट चालतात. ज्या प्रकारचे चित्रपट यावर्षी चाललेत हे याचं चांगलं उदाहरण आहे’.
हेही वाचा – सिनेमात सिलेक्शन कसं होतं? कार्तिकने सांगितला नवी मुंबईतनं ऑडिशनला जातानाचा किस्सा
याशिवाय कार्तिकने अभिनय क्षेत्रात येण्यासाठी किती मेहनत घेतली हेही सांगितलं. ‘खारघरमध्ये राहत असल्यामुळे जिथे कुठे ऑडिशन असेल तिथे ट्रेनने जायचो. दोन-तीन वर्ष हे केलं. त्यानंतर मला प्यार का पंचनामाचं ऑडिशनही फेसबुकवरुनच मिळालं. माझ्याकडे पोर्टफोलिओ नव्हतं कारण त्यावेळी ते खूप महाग असायचं. मग मी मित्रांसोबतचे फोटो क्रॉप करुन पाठवायचो’. माझ्या फॅनने मला खूप सपोर्ट केला असल्याचंही यावेळी कार्तिक म्हणाला.
दरम्यान बॉक्स ऑफिसवर ‘भूल भुलैया 2’ च्या शानदार यशानंतर कार्तिक आर्यनची लोकप्रियता वाढली आहे. सध्या कार्तिक आर्यनच्या हातात बॅक टू बॅक सिनेमे आहेत. त्यामुळे त्याचे चाहतेही त्याच्यासाठी खूप आनंदी आहेत.
Published by:Sayali Zarad
First published:
मराठी बातम्या, ब्रेकिंग न्यूज मराठीत सर्वात आधी News18 लोकमतवर.
आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
Source link
