10 वर्षानंतर लालबागच्या राजाचं दर्शन घेताच मिलिंद गवळींची खास पोस्ट, म्हणाले..

मुंबई, 5 सप्टेंबर: देशभरात सध्या गणेशोत्सवाचा जल्लोष पहायला मिळत आहे. कलाकार मंडळी विविध ठिकाणी गणेशोत्सवाच्या कार्यक्रमाला हजेरी लावताना दिसत आहे. अशातच आई कुठे काय करते मालिकेतील अनिरुद्ध म्हणजेच अभिनेता मिलिंद गवळी यांनी लालबागच्या राजाच्या दर्शनाला हजेरी लावली. यावेळीचे फोटो आणि व्हिडीओ शेअर करत मिलिंद यांनी पोस्ट लिहिली आहे. त्यांची ही पोस्ट सध्या लक्षवेधी ठरत आहे.

मिलिंद गवळी यांनी लालाबागच्या राजाचं दर्शन घेताच इन्स्टाग्रामवर पोस्ट शेअर केली आहे. “गणपती बाप्पा मोरया” म्हणत त्यांनी पोस्ट लिहायला सुरुवात केली आहे. मिलिंद यांनी म्हटलं की, ‘अनिरुद्धला खास लालबागच्या राजाच्या दर्शनाचे आमंत्रण आले आणि छान दर्शन ही झाले. दहा वर्षानंतर लालबागच्या राजाच्या दर्शनाचा योग आला, दहा वर्षांपूर्वी पंडित जसराज आणि मधुराआई जसराज यांच्या यांच्यामुळे हा दर्शनाचा योग आला होता. बाप्पाच्या इच्छेने गोष्टी घडत असतात आणि त्याची इच्छा नसेल तर झाडाचं पान सुद्धा हालत’.

हेही वाचा –  ‘सिंहिण, जंगलाची राणी’; prajakta mali चं नवं फोटोशूट चर्चेत

मिलिंद यांनी पोस्टच्या शेवटी म्हटलं की. ‘गणपती बाप्पा सगळ्यांचे कल्याण कर सगळ्यांना सुखी ठेव’. त्यांची ही पोस्ट काही क्षणातच व्हायरल झालेली पहायला मिळाली. त्यांच्या या पोस्टवर चाहत्यांच्या भरभरुन कमेटं येत आहेत. शिवाय त्यांच्या फोटो आणि व्हिडीओवर लाईक्सचा पाऊसही होताना दिसत आहे.

दरम्यान, मिलिंद गवळी यांनी अनेक मराठी चित्रपटांच भूमिका साकारल्या आहेत. त्यांनी त्यांच्या अभिनयानं प्रेक्षकांची मन जिंकली आहेत. चाहत्यांच्या मनात त्यांनी एक वेगळं असं स्थान निर्माण केलं आहे. सध्या मिलिंद गवळी हे ‘आई कुठे काय करते’ या मालिकेमध्ये अनिरुद्धची भूमिका साकारत आहे. त्यांची भूमिका जरी नकारात्मक असली तरी त्यांच्या अभिनयाचं चाहत्यांना नेहमीच कौतुक असल्याचं पहायला मिळतं. त्यांच्यावर नेहमीच कौतुकांचा वर्षाव होतो.

Published by:Sayali Zarad

First published: September 05, 2022, 12:56 IST